თხის წლისთვის დამახასიათებელია მერყეობა, ცვალებადი აქტიურობა და მოვლენების არასტაბილური განვითარება. წარმატების მიღწევისთვის აუცილებელი იქნება მყარი,  სტაბილური ბაზის შექმნა, პესიმიზმის დაძლევა და ნელი, მაგრამ მუდმივი მოქმედებები. ამ წელს აუცილებელი იქნება სათადარიგო გეგმები, რადგან მოსალოდნელია მოვლენების მოულოდნელი შემოტრიალება. დაფიქრებული და შეუპოვარი „მიწოლით“ შესაძლოა მოხდეს წინაღობების მოულოდნელი დაძლევა და „სივრცის გარღვევა“.

                                 რას უნდა ველოდოთ 2015 ხის (მწვანე) თხის წელს 

თხის (ცხვრის) წელი (1919, 1931, 1943, 1955, 1967, 1979, 1991, 2003, 2015) - აღმოსავლური ასტროლოგიის მიხედვით ხის ენერგიით იმართება. ის მწვანე (მეორე ვერსიით ლურჯ) ფერთან ასოცირდება.
2015 წელს „ინ“ (მდედრული) ენერგია მართავს. ეს კოსმოსიდან სუსტი ენერგიის მიღებაზე მიანიშნებს. ჩინეთში ეს მიწის ნიშანია, რომელიც „ნაყოფიერდება ზეციდან“, აქედან გამომდინარე 2015 წელს წარმატების მომტანი უფრო მეტად პარტნიორული საქმიანობა იქნება. 2015 წელს ბევრი ადამიანი დაამყარებს ახალ პარტნიორულ კავშირებს, პირად ცხოვრებაში და ბიზნესში მოსალოდნელია საინტერესო ადამიანების გაცნობა, ახალი პარტნიორების მოძიება და ერთობლივი საქმიანობის დაწყება. ბევრი ადამიანი, რომელსაც აქამდე ოჯახი არ შეუქმნია, სწორედ 2015 წელს შექმნის ოჯახს.
თხის წლისთვის დამახასიათებელია ცვლილებები, ამიტომ, 2015 წელს სტაბილურობა და მოვლენების მშვიდი განვითარება ნაკლებად მოსალოდნელია. ბუნებრივია ეს მერყეობა ადამიანებისთვისაც დამახასიათებელი იქნება, თუმცაღა სწორედ ეს არასტაბილურობა უბიძგებს ადამიანებს ახალი ინიციატივების გამოვლენისკენ, ახალი საქმეების წამოწყებისკენ, ახალი ტერიტორიების თუ სფეროების ათვისებისკენ, ახალი კავშირების დამყარებისკენ.
თხის წელი ელეგანტურ, არტისტულ და შემოქმედებით პროფესიის ადამიანებს „წყალობს“, ამიტომ, ადამიანების მხრიდან საჭირო იქნება საკუთარ შემოქმედებითი უნარების, კრეატიულობისა და ფანტაზიის გამოვლენა, რათა სრულად და ყოველგვარი შეზღუდვების გარეშე გამოავლინონ თავის ტალანტი.
დამდეგი წლისთვის დამახასიათებელია ჭირვეულობა, მერყეობა და პერიოდული სასოწარკვეთა. ადამიანების მხრიდან ამ ნეგატიური თვისებების გამოვლენა გააუარესებს განვითარებულ მოვლენებს და მოსალოდნელია ამან გაართულოს ადამიანებთან წარმატებული ურთიერთობების დაწყება და განვითარება. ამიტომ, უნდა გაძლიერდეს ოპტიმიზმისა და პოზიტივის გამოვლენა.
თხის წელში მატერიალური ასპექტები უფრო მნიშვნელოვანი იქნება, ვიდრე სულიერი, ამიტომ ადამიანებისთვის უფრო მნიშვნელოვანი გახდება სამსახური, კარიერა და ფინანსები, ვიდრე სულიერი, მეტაფიზიკური თუ რელიგიური საკითხები. კიდევ უფრო გაძლიერდება ინტერესი მეცნიერებისადმი, განსაკუთრებით ნანო-ტექნოლოგიების მიმართ.
2015 წლის ყველაზე რთული პირველი და მეოთხე კვარტალი იქნება, ამიტომ, ამ პერიოდში მაქსიმალური ყურადღების გამოჩენა იქნება საჭირო. ყველაზე რთულ კრიზისულ თვეებად შეიძლება მივიჩნიოთ იანვარი, თებერვალი, მარტი, აპრილის პირველი ნახევარი, შემდეგ უკვე ნოემბერი და დეკემბერი.
თხის წელში გამარჯვების მოსაპოვებლად აუცილებელია შემდეგი თვისებების გამოვლენა: საკუთარი თავის რწმენა, შრომისმოყვარეობა, თავდაჯერებულობა, ენერგიულობა, ინიციატივიანობა, პასუხისმგებლობის საკუთარ თავზე აღების უნარი, კომუნიკაბელურობა, სტაბილურობის მიღწევის უნარი, ტაქტი და ურთიერთობებში მოქნილობა.
სტიქიების მიხედვით 2015 წელი 11 აგვისტომდე შედარებით პოზიტიური იქნება ცეცხლის სტიქიით, ანუ ვერძის, ლომის და მშვილდოსნის ნიშნით დაბადებული ადამიანებისთვის, ხოლო 2015 წლის 11 აგვისტოდან - წლის ბოლომდე უკვე მიწის სტიქიით, ანუ კუროს, ქალწულის და თხის რქის ნიშნით დაბადებული ადამიანებისთვის იქნება სასიკეთო.
2015 წელს მზის ორი დაბნელება დაფიქსირდება: 20 მარტს - მზის სრული, ხოლო 13 სექტემბერს - მზის ნაწილობრივი დაბნელება იქნება. რაც შეეხება მთვარის დაბნელებას, ისიც ორი იქნება და ორივე სრული - 4 აპრილსა და 28 სექტემბერს.

 მსოფლიო.აღმოსავლური ასტროლოგიის მიხედვით მიჩნეულია, რომ თხის (ცხვრის) წელი (1919, 1931, 1943, 1955, 1967, 1979, 1991, 2003, 2015) - ძნელად პროგნოზირებადია ამიტომ, 2015 წლისთვის დამახასიათებელი იქნება მერყეობა და ჭირვეულობა. ამ წელს ადამიანები თუ ქვეყნები არ იქნებიან თავისი მდგომარეობით კმაყოფილები, უფრო მეტიც მათი მდგომარეობიდან გამოსვლის მცდელობა თუ კარგად არ იქნება დაგეგმილი, მოსალოდნელია სიტუაციის კიდევ უფრო გამწვავება მოჰყვეს.
2015 წელს მსოფლიოში გაგრძელდება ის ტენდენციები, რომლებიც ჯერ კიდევ 2008 წელს დაიწყო  (2015 წელი არის თორმეტწლიანი ციკლის მე-8 წელი), ამიტომ პოლიტიკური თუ ეკონომიკური კრიზისი გაგრძელდება, თუმცა გაცილებით ნაკლები ნეგატიური გამოვლინებებით.
პოლიტიკურ-ეკონომიკური თვალსაზრისით 2015 წლის პირველი ნახევარი გაცილებით არასტაბილური იქნება, რადგან შენარჩუნდება ურან-პლუტონის ნეგატიური კავშირი, რომელიც 2012 წლიდან მოყოლებული დაძაბულობასა და კრიზისულ სიტუაციებს ქმნის. ამ დროს მოსალოდნელია ბუნებრივი თუ პოლიტიკური კატაკლიზმები, გარკვეული გადანაცვლებები და გადაფასებები. ეს ყველაფერი ცხადია ადამიანებისგან მეტ გამძლეობას, შეუპოვრობასა და ორგანიზებულ შრომას მოითხოვს.
2015 წლის პირველ ნახევარში ყველაზე კრიზისული იქნება იანვარი, თებერვალი და მარტი - ამ პერიოდში ბევრ ქვეყანაში მოსალოდნელია გამწვავდეს კრიზისი, რომელიც გამოვლინდება არა მხოლოდ ეკონომიკურ-ფინანსურ პრობლემებში, არამედ პოლიტიკურ დაძაბულობასა და შეიარაღებულ დაპირისპირებებში.
2015 წლის მეორე ნახევარში მოვლენები შედარებით მშვიდად განვითარდება, თუმცა წლის მეოთხე კვარტალიც დაძაბული და დისჰარმონიული იქნება, ამიტომ, წლის ბოლოსაც საჭირო იქნება ყურადღების, სიფრთხილისა და წინდახედულების გამოვლენა.. განსაკუთრებულ ყურადღებას ითხოვს ნოემბერ-დეკემბერი, როდესაც სატურნი-ნეპტუნის ნეგატიური ასპექტი გააძლიერებს სოციალურ უკმაყოფილებას, გაზრდის კონფლიქტებისა და პროვოკაციების ალბათობას, რაც მოსალოდნელია მთელ რიგ ქვეყნებში გადაიზარდოს საპროტესტო გამოსვლებში, შეიარაღებულ დაპირისპირებებში.
2015 წლის პირველ და მეოთხე კვარტალში პოლიტიკურად არასტაბილურ ქვეყნებში მოსალოდნელია დაიწყოს პოლიტიკური კრიზისი, რომელიც შესაძლოა მივიდეს მმართველობის სისტემების შეცვლამდე, რევოლუციამდე ან ხელისუფლების გადატრიალებამდე.
2015 წელს პლანეტა სატურნი მშვილდოსნის ზოდიაქოში იმოძრავებს (გარდა მესამე კვარტლისა, როდესაც სატურნი ისევ მორიელის ზოდიაქოში დაბრუნდება), აქედან გამომდინარე ადამიანები გააქტიურდება საერთაშორისო საკითხები, მოსალოდნელია გარკვეული დამუხრუჭება საგარე პოლიტიკის კუთხით, ბიზნესის იმ სფეროებთან, რომლებიც უცხოეთსა და უცხოელებს უკავშირდება.
დამდეგი წლისთვის დამახასიათებელი იქნება „ძველისა“ და „ახლის“ ბრძოლა, რაც ზოგიერთ შემთხვევაში საკმაოდ მტკივნეული იქნება, ამიტომ, უხეში დაპირისპირებები ჩანაცვლებული უნდა იქნას ეტაპობრივი რეფორმებითა და უმტკივნეულო ცვლილებებით. წინააღმდეგ შემთხვევებში მოსალოდნელია ვიხილოთ სერიოზული საპროტესტო გამოსვლები, რომლის საფუძველი პოლიტიკური და ეკონომიკური კრიზისები და არასტაბილურობა იქნება. კიდევ უფრო გაძლიერდება სეპარატისტული და ექსტრემისტული მოძრაობები. არ არის გამორიცხული მოხდეს გეოპოლიტიკური ცვლილებებიც, რაც გამოიხატება ზოგიერთი ქვეყნის დანაწევრებაში ან სერიოზული შიდაპოლიტიკურ ცვლილებებში.
ეკონომიკური და ფინანსური კუთხით 2015 წელი წინა წლებისგან მნიშვნელოვნად განსხვავებული არ იქნება, რადგან ფინანსური კრიზისი და მერყევი ბაზარი ადამიანებს თუ ქვეყნებს აიძულებთ გაატარონ მკაცრი პოლიტიკა და არასასურველი რეფორმები არსებული მდგომარეობის გაჯანსაღებისკენ და დასტაბილურებისკენ.
2015 წლის იანვრიდან აპრილის ჩათვლით ბევრ ქვეყანაში მოიმატებს ბუნებრივი კატაკლიზმების, ტექნიკური ავარიებისა და დაპირისპირების ალბათობა (ამის ალბათობა მაღალი იქნება ახლო აღმოსავლეთში, აღმოსავლეთ ევროპაში, რუსეთის ევროპულ და სამხრეთ ნაწილში, სამხრეთ-აღმოსავლეთ აზიაში, ჩრდილოეთ ამერიკაში).
ამ წელს მოძველებული მეთოდებით ხელმძღვანელობა ან დაკარგული პოზიციების უხეში მეთოდებით დაბრუნების მცდელობა გამართლებული არ იქნება, რადგან მოსალოდნელია ამან კიდევ უფრო გაამწვავოს არსებული მდგომარეობა.
2015 წლის აგვისტოში პლანეტა იუპიტერის ქალწულის ზოდიაქოში გადასვლა ადამიანებსა და ქვეყნებს „აიძულებს“ გახდნენ უფრო მეტად ეკონომიურები, ორგანიზებული და დისციპლინირებულები, ეს კი თავისთავად გამოიწვევს ბევრი რთული საკითხის იოლად მოგვარებას (განსაკუთრებით პოლიტიკასა და ეკონომიკაში).

საქართველო. რასაკვირველია ის პოლიტიკურ-ეკონომიკური ცვლილებები და ტენდენციები, რომლებიც 2015 წლისთვის იქნება დამახასიათებელი, ჩვენს ქვეყანაზეც შესაბამისად აისახება. ცხენის წლის აქტიურობას `შეცვლის~ თხის წლის მერყეობა და ჭირვეულობა, რაც ბუნებრივია არასასიამოვნოდ პირველ რიგში მოსახლეობაზე აისახება. მიუხედავად ხელისუფლებისა მცდელობებისა, ძნელად მოხერხდება სტაბილური მდგომარეობის მიღწევა და თუნდაც საქართველოს ხელისუფლებამ შეძლოს პოლიტიკურ-ეკონომიკური სტაბილურობის შექმნა. ეს სტაბილურობა მაინც მყიფე იქნება, რომელიც ნებისმიერი გამოწვევის წინაშე შეიძლება დაიმსხვრეს.
საქართველოს ხელისუფლებას განსაკუთრებით 2015 წლის პირველ კვარტალში მოუწევს მძიმე შრომა, რათა 2014 წლის ბოლოდან „გადმოყოლილი“ ნეგატიური ტენდენციები დაარეგულიროს და მდგომარეობა სასიკეთოდ შემოატრიალოს.
საინტერესო იქნება თუ თვალს გადავავლებთ საქართველოს პოლიტიკურ რეალიებს, როდესაც თხის წელი იყო. საჭირო არ არის დიდი წიაღსვლები, მხოლოდ ბოლო ორი თხის წლისთვის გადახედვაც კი მოგვცემს იმის ანალიზის საშუალებას, რომ მივხვდეთ რამდენად დიდი არასტაბილურობით გამოირჩევა თხის წელი:
•    2003 წელი - საქართველოში მოხდა ე. წ. „ვარდების რევოლუცია“, რასაც არსებული ხელისუფლების ცვლილება მოჰყვა.
•    1991 წელი - დაიწყო საქართველოს დამოუკიდებლობის გამოცხადებიდან რვა თვეში დაიწყო სამოქალაქო ომი, რასაც არსებული ხელისუფლების ცვლილება მოჰყვა.

2015 წელი კომერციული საქმიანობისთვის და ბიზნესისთვის მაინცა და მაინც პოზიტიური არ იქნება, ამიტომ, ამ მიმართულებით საჭიროა უდიდესი ყურადღების გამოჩენა, რადგან მოიმატებს საბედისწეროს შეცდომების დაშვების ალბათობა (ეს განსაკუთრებით ახალწამოწყებულ საქმეებს ეხება).
ასევე მეტი ყურადღება მართებთ იმ ადამიანებს, რომლებსაც შეხება აქვთ სარისკო ფინანსურ ოპერაციებთან, რადგან მოსალოდნელია 2015 წელს სარისკო და ავანტიურისტული წამოწყებები კრახით დასრულდეს (ეს განსაკუთრებით ეხება კრედიტებთან და უძრავი ქონების გაყიდვა-დაგირავებასთან დაკავშირებულ საკითხებს).
საქართველოსთვის რთული თვეები იქნება: იანვარი, თებერვალი, მარტი, მაისი, ივლისი, სექტემბრის მეორე ნახევარი, ოქტომბრის პირველი ნახევარი, ნოემბერი. ამ პერიოდში საქართველოს ხელისუფლებას, ასევე ძალოვან სამსახურებს, საგანგებო და გადაუდებელო სიტუაციების მართვის სააგენტოს დაძაბულ რეჟიმში მოუწევთ მუშაობა, რათა შექმნილი კრიზისული სიტუაციები აღმოფხვრან.
2015 წლის პირველი ნახევარი საქართველოსთვის ეკონომიკური თვალსაზრისით რთული იქნება, განსაკუთრებით 9 აპრილამდე პერიოდი, სანამდე იუპიტერი რეტროგრადულად (ასტროლოგიური თვალსაზრისით უკუმიმართულებით) იმოძრავებს, ამიტომ, სწორედ ამ პერიოდში განვითარებული მოვლენები და დამდგარი შედეგი იქნება იმის მაჩვენებელი, როგორი წელი იქნება საქართველოსთვის. საქართველოს ხელისუფლებამ უნდა შეძლოთ წლის პირველ სამ თვეშივე სრული კონტროლი დაამყაროს ეკონომიკურ პროცესებზე და მინიმუმამდე შეამციროს მოსალოდნელი კრიზისის მიზეზები, წინააღმდეგ შემთხვევაში, 2015 წლის მეორე ნახევარში ამას მეტად არასასურველი შედეგები მოჰყვება.

2015 წელი ვერძებისთვის შედარებით წარმატებული და ბედნიერი იქნება. მათ როგორც საქმიანი, ისე პირადი ცხოვრების უკეთესობისკენ შეცვლის შანსი მიეცემათ. შეძლებენ ადამიანებთან პოზიტიური ურთიერთობის აწყობას და ლიდერის პოზიციის დაკავებას იმ სფეროებშიც კი სადაც ადრე ჩავარდნები იყო. დამდეგ წელს ვერძებმაძველი მეგობრების და პარტნიორების შენარჩუნებისთვის ყველაფერი უნდა გააკეთონ. ვერძები დროს სწავლის გაგრძელებას ან პროფესიული დახელოვნებას დაუთმობენ. გააქტიურდება უცხოეთთან და უცხოელებთან დაკავშირებული საკითხებიც. ეს ადამიანები ადვილად დაამყარებენ საჭირო კონტაქტებს და კავშირებს, გაერთიანდებიან სხვადასხვა კოლექტივებში, ჯგუფებსა თუ ორგანიზაციებში, უპრობლემოდ მიიღებენ საჭირო ინფორმაციას, რაც გაუადვილებთ წარმატების მიღწევას.
კარიერა და სამსახური. კარიერული წინსვლისთვის 2015 წელს ვერძებს კომუნიკაბელურობა, მოლაპარაკებების უნარი და კომპრომისზე წასვლა გამოადგებათ. ხელსაყრელი იქნება საკუთარი საქმის დაწყება. კოლექტივში არ უნდა დაუშვან კონფლიქტური სიტუაციები. შესაძლებელია მათ მოძებნონ ახალი, სარფიანი სამსახური ან ძველი სამსახურში დაწინაურდნენ.
ფინანსები. ამ კუთხით ვერძებს წარმატება ელით. მოსალოდნელია შემოსავლების ახალი წყაროს გაჩენა. ფულის დაბანდებისას ვერძებს სიფრთხილე მართებთ. ამ წელს ფინანსებში რისკზე წასვლა გამართლებული არ იქნება. ვერძები უნდა მოერიდონ ვალებს და გამოიჩინონ ყურადღება კრედიტების მიმართ.
ჯანმრთელობა. ვერძების  ენერგეტიკა 2015 წელის შედარებით დაქვეითებული იქნება, რაც მოსალოდნელია იმუნიტეტის დასუსტების მიზეზად იქცევა. მნიშვნელოვანია სწორი კვება და ვარჯიში. ყურადღების გამოჩენა იქნება საჭირო სტრესული სიტუაციების მიმართ. აპრილიდან ივნისამდე შუალედში ვერძებმა სასურველია დაისვენონ, ეს მათ სასიცოცხლო ძალების აღდგენაში დაეხმარებათ.
სიყვარული. 2015 წელს  ვერძებს საპირისპირო სქესთან ურთიერთობა სასიკეთოდ შეეცვლება. ვერძი-მამაკაცები შეძლებენ მეორე ნახევრის პოვნას. ვერძი-მანდილოსნების ცხოვრებაში კი ოჯახის შექმნისთვის სასიკეთო პერიოდი თებერვლიდან ივნისამდე იქნება. ნაკლოვანებების არ შემჩნევის უნარი და ტაქტის გრძნობა დაოჯახებული მანდილოსნების ოჯახურ ცხოვრებას მშვიდს და კომფორტულს გახდის.
   

თხის წელიწადი კუროებისთვის სასიკეთო იქნება. წლის პირველ ნახევარში ისინი მართალია დიდი ძალისხმევით, მაგრამ მაინც შეძლებენ სასიკეთო ცვლილებების განხორციელებას. განსაკუთრებით ეს ეხება ურთიერთობებს, სწავლას და საცხოვრებელი პირობების გაუმჯობესებას. კუროებს ასევე დააინტერესებთ რელიგია, ფილოსოფია დამსგავსი მიმართულებები. ისინი უნდა მოერიდონ კონფლიქტებს ნათესავებთან, მეგობრებთან და კოლეგებთან, რათა დანაკარგები თავიდან აირიდონ. 2015 წლის მეორე ნახევარში კუროები საკუთარი შესაძლებლობებისა და ტალატის ახალი მიმართულებით გამოვლენას შეძლებენ. ჩაერთვებიან საზოგადოებრივ საქმიანობაში, საკუთარ საქმიანობაში ახალ პოზიტიურ იმპულსებს შეიტანენ და მოახერხებენ საქმიანობის გაფართოვება-გაშლას.
კარიერა და სამსახური. 2015 წელს კუროებს სამსახურში ცვლილებები ელით, შესაძლო წლის პირველ ნახევარში მათ პოზიციები დაკარგონ, თუმცა წლის მეორე ნახევარში ისინი შეძლებენ წინსვლასა და დაწინაურებას. მათ მიეცემათ საკუთარი ნიჭის გამოვლენის შესაძლებლობა. მოსალოდნელია მოხდეს საქმიანი ურთიერთობების  გადახედვა, ახალი კავშირების დამყარება, რასაც ახალი კონტრაქტი ან სხვა სასიკეთო ცვლილებები მოჰყვეს.
ფინანსები.ფინანსური მდგომარეობა მერყევი და არასტაბილური იქნება, ამიტომ კუროებისთვის რისკზე წასვლა არ იქნება სასურველი. ყურადღებას მოითხოვს უძრავ ქონებასთან, ფულის სესხება-გასესხებასთან და კრედიტებთან დაკავშირებული საკითხები. გაზაფხულსა და ზაფხულში მათ თავი უნდა შეიკავონ დაუფიქრებელი შენაძენებისაგან და გამოიჩინონ ეკონომიურობა
ჯანმრთელობა. ამ წელს კუროებს ჯანმრთელობა დიდ პრობლემებს არ შეუქმნით. კარგი დასვენება ოჯახის წევრებთან ერთად გააუმჯობესებს მათ ფიზიკურ და ემოციურ მდგომარეობას. მათ უარი უნდა თქვან ალკოჰოლის ჭარბად მიღებასა და უნდა მოიწესრიგონ კვების საკითხი.
სიყვარული. 2015 წელს კურო-მანდილოსნები პარტნიორებთან ურთიერთობების დარეგულირებას შეძლებენ. მოსალოდნელია ამ წელს მათ დიდი გრძნობა ეწვიოთ და ვისაც ოჯახი ჯერ არ შეუქმნია, სწორედ ეს გადაწყვეტილება მიიღონ. კურო-მამაკაცებს თუ საკუთარი სიყვარული უფრო განმტკიცება სურთ, ისინი კომპრომისზე უნდა წავიდნენ და პარტნიორის მიმართ მზრუნველობა უნდა გამოავლინონ.


2015 წელი ტყუპებს სერიოზული გეგმების განხორციელების შესაძლებლობას მოუტანს. სხვადასხვა სოციალურ საფეხურზე მდგომ ადამიანებთან ურთიერთობა მათთვის კომფორტული და მოსახერხებელი იქნება. მათთვის დამდეგი წელი ოჯახის წევრებთან, მეგობრებთან, კოლეგებთან და პარტნიორებთან, ურთიერთობის დარეგულირებისპერიოდია. მოსალოდნელია მათ ცხოვრებაშიც გავლენიანი მფარველები და მეგობრები გამოჩნდნენ. გარდა ამისა, დამდეგი წელი ძველი ილუზიებისგან გათავისუფლების და ოცნებების პრაქტიკულად განხორციელების წელი იქნება. მნიშვნელოვანი იქნება ოჯახთან, უძრავ ქონებასთან, ბავშვებთან დაკავშირებული პრობლემების გადაჭრა. წლის დასაწყისში ისინი თუ გაიაზრებენ ძველ შეცდომებს, მაშინ უპრობლემოდ გადავლენ მატერიალური და სულიერი განვითარების ახალ ეტაპზე. წლის მეორე ნახევარში ყურადღება უნდა გამოიჩინონ ფინანსებთან მიმართებაში.
კარიერა და სამსახური.ამ ნიშნით დაბადებულთათვის 2015 წელს მნიშვნელოვანი სამსახურებრივი წარმატებები და კარიერული წინსვლა იქნება, რასაც უმრავლეს შემთხვევაში ისინი თავს წარმატებით გაართმევენ (ამისთვის კი საჭირო კონტაქტების გამოყენება გახდება საჭირო). წინსვლისთვის საუკეთესო პერიოდი გაზაფხულის ბოლო და ზაფხული იქნება. წარმატება ელით შემოქმედებით ადამიანებს, განსაკუთრებით ხელოვანებს.
ფინანსები. ტყუპებს ოპტიმიზმი და გამჭრიახობა მთელი წლის მანძილზე კარგ სამსახურს გაუწევთ. ეს ადამიანები ფინანსებზე არ იქნებიან დამოკიდებულები და თავისუფლად იმოქმედებენ. უნდა ითქვას, რომ ინდივიდუალურ საქმიანობასთან შედარებით კოლექტიური შრომა გაცილებით ეფექტური აღმოჩნდება, როგორც პროფესიონალური, ისე ფინანსური კუთხით.
ჯანმრთელობა.ტყუპებს წლის განმავლობაში ყურადღების გამოჩენა მოუწევთ ქრონიკული დაავადებების მიმართ, განსაკუთრებით ეს სასუნთქ და ძვალ-სახსროვან სისტემებს ეხება. სასარგებლო იქნება ვიტამინების მიღება და გონივრული დიეტის დაცვა. საჭესთან მჯდომ ტყუპებს კი წინდახედულობა და უსაფრთხოების ზომების დაცვა ევალებათ.
სიყვარული.ტყუპი-მანდილოსნების აქტიური ხასიათი სიყვარულის სფეროში წარმატების მიღწევას განაპირობებს. ისინი მთელი წლის განმავლობაში სიყვარულის ძიებაში იქნებიან, თუმცა 2015 წელში დაქორწინების შანსი არც თუ დიდი იქნება. დაუოჯახებელ ტყუპ-მამაკაცებს კი მხურვალე რომანები ან ქორწინება ელით, დაოჯახებულების ოჯახური ცხოვრება ამ წელს მტკიცე და ბედნიერი იქნება.


კირჩხიბთა უმრავლესობისთვის 2015 წელი წელი სასიკეთო იქნება, სერიოზული დანაკარგები და განხეთქილებები ნაკლებად არის მოსალოდნელი. თუმცა ამ ადამიანებს საკუთარი იდეებისთვის განხორციელებისთვის სერიოზული ბრძოლა მოუწევთ. ისინი დასახული მიზნების მიღწევისას სხვა ადამიანების ნეგატიური გავლენის ქვეშ არ უნდა მოექცნენ. მათთვის მნიშვნელოვანი საქმეების დიდი ხნით გადადება სასურველი არ იქნება. წლის პირველ ნახევარში ისინი უნდა გათავისუფლდნენ ილუზიებისგან და ფსევდო-პერსპექტივებისგან. ეს პერიოდი სასიკეთო იქნება გაწყვეტილი ურთიერთობების განახლებისთვის, სასიყვარულო ურთიერთობების დაწყებისთვის, დაოჯახებისთვის და ჯანმრთელობის გამყარებისთვის. წლის მეორე ნახევარში მოიმატებს გამართლების ალბათობა. ხელსაყრელი იქნება ცოდნის გაღრმავება, კვალიფიკაციის ამაღლება და უცხო ენების შესწავლა. ამ პერიოდში მოიმატებს მოგზაურობისა და უცხოელებთან ურთიერთობების ალბათობა.
კარიერა და სამსახური.საქმიანობაში კირჩხიბებს 2015 წლის პირველი კვარტალში გაუძნელდებათ ურთიერთობები ხელმძღვანელობასთან ან გავლენიან ადამიანებთან. მათ ვისაც ხასიათის სისუსტე ახასიათებთ და საკუთარი პოზიციის დაცვა უჭირთ, შესაძლოა სამუშაო ადგილის გამოცვლაც ან სხვა რაიმე ცვლილების განხორციელება მოუწიოთ. კირჩხიბებისთვის უფრო სასიკეთო წლის მეორე ნახევარი იქნება, ამ დროს ისინი წინსვლასა და წარმატებების მიღწევას შეძლებენ.
ფინანსები.ეს წელი ფინანსების კუთხით მშვიდი ნამდვილად არ იქნება. სიფრთხილის გამოჩენა იქნება საჭირო საეჭვო და უკანონო შემოსავლების კუთხით. არ არის გამორიცხული კირჩხიბებს მსხვილი თანხების გაცემამაც მოუწიოთ, ეს ძირითადად საკუთარი საქმის წამოწყებასთან და უძრავ ქონებასთან იქნება დაკავშირებული.
ჯანმრთელობა.წლის დასაწყისში კირჩხიბებს მოუწევთ საკუთარ ნერვულ სისტემაზე ზრუნვა. ზაფხულში აუცილებელი იქნება დასვენება _ ეს მათ იმუნიტეტზე სასიკეთოდ აისახება. 2015 წელს კირჩხიბებმა ყურადღება უნდა მიაქციონ კანსა და საკუთარ გარეგნობას, მითუმეტეს, რომ წლის მეორე ნახევარი კარგი პერიოდი იქნება კოსმეტოლოგიური ჩარევებისთვის და გამაჯანსაღებელი მასაჟის ჩატარებისთვის.
სიყვარული.ეს წელი კირჩხიბ-მამაკაცების იმ ნაწილისთვის, რომელიც პასიურობითა და გაუბედაობით გამოირჩევა, მთლად სასიკეთო იქნება. აქტიურ და ინიციატივიან კირჩხიბ-მამაკაცებს შედარებით გაუმართლებთ - ისინი დაიწყებენ ახალი სასიყვარულო ურთიერთობებს ან შექმნიან ოჯახს. კირჩხიბი-ქალბატონებისთვის შედარებით უკეთესი წელი იქნება, მათი სასიყვარულო სფერო უფრო ჰარმონიული გახდება და ისინი თავს ბედნიერად იგრძნობენ.


2015 წელი ლომებისთვის საკმაოდ სასიკეთო აღმოჩნდება, განსაკუთრებით აგვისტომდე პერიოდი. ამ პერიოდში დასასვენებლად ნაკლებად მოიცლიან, თუმცა ეს ადამიანები თავის მომავლის სასიკეთოდ ფორმირებას შეძლებენ. შესაძლოა ამ წელს ლომები სამოგზაუროდ გაემგზავრონ, უცხოეთთან მიმართებაშისასიკეთოინფორმაცია მიიღონ ან ახალ, საინტერესო კავშირები დაამყარონ. წლის პირველი ნახევარი ლომებისთვის სასიკეთო ცვლილებებისა და ახალი შემოქმედებითი პოტენციალის გამოვლენის პერიოდი იქნება ამ პერიოდში მოიმატებს მათი ენერგიულობა და შეძლებენ ჩანაფიქრების, მიზნების ახლებურად გააზრებას და მათ რეალიზებას. წლის მეორე ნახევარში მოუწევთ საკუთარი მიზნების გასაიდუმლოება, წარსულის ანალიზი და ადრე დაშვებული შეცდომების გამოსწორება. ისინი მხოლოდ ასე შეძლებენ საკუთარი ცხოვრების პოზიტიურისკენ ფორმირებას.
კარიერა და სამსახური.პროფესიული კუთხის თვალსაზრისით ყველაზე ნაყოფიერი წლის პირველი ნახევარი აღმოჩნდება. ისინი აივსებიან ენერგიით, გაუჩნდებათ ბევრი ახალი იდეა და მოსალოდნელია საინტერესო პროექტებიც წამოიწყონ. მათ ნაკლები ყურადღება უნდა დაუთმონ წვრილმან უსიამოვნებებს, წინააღმდეგ შემთხვევაში მოსალოდნელია ამან სამსახურში კონფლიქტური სიტუაციები შექმნას.
ფინანსები.ლომთა უმრავლესობა ამ წელს კმაყოფილი იქნება თავისი ფინანსური მდგომარეობით. ისინი შეძლებენ შემოსავლების ეტაპობრივად გაზრდას, განსაკუთრებით გაუმართლებთ იმ ადამიანებს, ვინც გონებრივ შრომას ეწევა. ლომებმა წლის პირველ ნახევარში ფულის სესხებასთან თუ კრედიტების აღებასთან დაკავშირებით წინდახედულება უნდა გამოიჩინონ. წლის მეორე ნახევარში მათი დახმარება შესაძლოა მათ მეგობრებს და ნათესავებს დასჭირდეთ.
ჯანმრთელობა. 2015 წელს ლომებს ჯანმრთელობასთან დაკავშირებული პრობლემები ნაკლებად ექნებათ. თუმცა მათ ყურადღება უნდა გამოიჩინოს სარისკო და ექსტრემალურ სიტუაციებში და თავი განსაცდელში არ უნდა ჩაიგდონ. მათ ყურადღება უნდა მიაქციოთ ნერვულ სისტემასა და გულსისხლძარღვთა სისტემას. კარგი იქნება თუ ისინი მავნე ჩვევებზე იტყვიან უარს.
სიყვარული.ლომი-მანდილოსნების პირადი ცხოვრება 2015 წელს უფრო სასიკეთო შეიძლება დაერქვას. მესამე კვარტალში დიდი ალბათობით მათ ბედნიერება ეწვევათ _ ეს იქნება ან დაოჯახება ან ოჯახური ცხოვრების ჰარმონიის მიღწევა. რაც შეეხება ლომ-მამაკაცებს, თუმცა მათ მოუწევთ პარტნიორების მიმართ სიყვარულისა და მზრუნველობის უანგაროდ გამოვლენა.


ქალწულებს დამდეგი 2015 წელი მრავალ პოზიტიურ ცვლილებას მოუტანს, განსაკუთრებით შემოდგომა და ზამთარი. თუმცა მათ დასჭირდებათ ახლობლების დახმარება როგორც მორალურად, ისე ფიზიკურად. სასურველია მეტი აქცენტისგაკეთება კოლექტიურ საქმიანობაზე და გარშემომყოფების ნაკლები კრიტიკა, ასეთი მიდგომით ისინი ნამდვილად წაიწევენ წინ. ისინი უნდა შეეცადონ, რომ დამდეგ წელს მათთვის დამახასიათებელი პრაქტიკულობა და პრაგმატიზმი გამოავლინონ, რადგან მხოლოდ ოცნებებითა და სურვილებით გამარჯვებას ვერ მიაღწევენ. წლის პირველ ნახევარში ქალწულებმა მოსალოდნელია ცხოვრებისეული მფარველებისა და სპონსორების მოძიებაც შეძლონ. წლის მეორე ნახევარში შეიძლება მათ შეიცვალონ იმიჯი, გამოავლინონ ახალი ნიჭი და ბევრი მიმართულებით პოზიტიური ცვლილებებიც განახორციელონ.
კარიერა და სამსახური.თუ ეს ადამიანები შეძლებენ წარსულის ანალიზს და დაშვებული შეცდომების გამოსწორებას, მაშინ მათ გამარჯვებას წინ ვერაფერი დაუდგებათ. არ არის გამორიცხული გააქტიურდეს უცხოეთთან დაკავშირებული კონტაქტებიც. თუმცა შრომისა და ორგანიზებული მოქმედებების გარეშე წარმატების მიღწევა სათუო გახდება.
ფინანსები. ამ კუთხით 2015 წელი წინააღმდეგობრივი იქნება. ერთის მხრივ ქალწულები მოახერხებენ ფინანსების სწორად გადანაწილებასა და ფულის პრიორიტეტების მიხედვით ხარჯვას, თუმცა წლის პირველ ნახევარში მოსალოდნელია მათ ფინანსური სირთულეებიც წარმოეშვათ, ამიტომ, მათ მთელი წლის მანძილზე მართებთ შემოსავლებისა და გასავლების მკაცრი კონტროლი.
ჯანმრთელობა. ქალწულებს მართებთ გაუფრთხილდნენ საკუთარ იმუნიტეტს, განსაკუთრებით ცივ ამინდში, რადგან მაღალი იქნება ვირუსული დაავადებების რისკი. ისინი უნდა გაუფრთხილდნენ ყელსა და სასუნთქ სისტემასა. ასევე ყურადღება მართებთ წონის დაკლების მიზნით დიეტის დაცვისას, სასურველია მათ არ გადააჭარბონ. ჯანმრთელობის გაუარესების შემთხვევაში, არ არის რეკომენდებული თვითმკურნალობა. 
სიყვარული. ეს წელი აქტიურობა იქნება ქალწული-მამაკაცებისთვის, მითუმეტეს, რომ მოიმატებს ახალი კავშირების დამყარებისა და ფარული სასიყვარულო ურთიერთობების დაწყების ალბათობა. ქალწულ-ქალებმა არ უნდა აკრიტიკონ სასიყვარულო პარტნიორები და რაც მთავარია პარტნიორის მიმართ ნდობა უნდა შეინარჩუნონ.


შეიძლება ითქვას, რომ 2015 წელი სასწორებისთვის შედეგების მიღების წელი იქნება. თუმცა მათ ასევე მოუწევთ ადრე დაშვებული შეცდომების გამოსწორება ან ძველი პრობლემების მოგვარება. ამ ადამიანებმა გასული წელი მეტ-ნაკლებად უშეცდომოდგაიარეს, მოსალოდნელია ამის კომპენსაცია წარმატების და წინსვლის სახით სწორედ 2015 წელს მიიღონ. ისინი წლის პირველ ნახევარში უნდა მოერიდოთ რადიკალური ცვლილებების განხორციელებას, ამასთანავე, ახლობლებისა და ოჯახის წევრების რჩევები გაითვალისწინონ. მოსალოდნელია ახალი სასიყვარულო ურთიერთობების დაწყება, მოიმატებს ფლირტისა და დაოჯახების ალბათობაც. წლის მეორე ნახევარში ამ ადამიანებმა ახალი პროექტები წინდახედულად უნდა განახორციელონ, რათა ფინანსურად არ დაზარალდნენ.
კარიერა და სამსახური. წლის პირველ ნახევარში მათ მიერ გაწეული ძალისხმევა და მიღებული მნიშვნელოვანი გადაწყვეტილებები სასიკეთო შედეგს წლის მეორე ნახევარში მოიტანს. წლის ბოლო კვარტალში კი ეს შესაძლოა სამსახურებრივი დაწინაურებით, სერიოზული ფინანსური კომპენსაციით ან მეტად პოზიტიური ცვლილებით დასრულდეს.
ფინანსები. სასწორები თუ სრულად გამოიყენეთ საკუთარ პოტენციალს და საქმიან კავშირებს, მათი ფინანსური შემოსავლები მნიშვნელოვნად მოიმატებს. უფრო მეტიც, მოსალოდნელია ახალი შემოსავლის წყაროებიც კი მოძებნონ. ისინი კატეგორიულად უნდა მოერიდონ ფულის სარისკო საქმეებში დაბანდებასა და აზარტულ თამაშებს, რათა საკუთარ ფინანსურ მდგომარეობას სერიოზული დარტყმა არ მიაყენონ.
ჯანმრთელობა. სასწორებს ყურადღების გამოჩენა წლის პირველ ნახევარში მოუწევთ, რადგან მუშაობის დაძაბულმა რეჟიმმა მოსალოდნელია სტრესი და ნერვული სისტემის დაძაბვა გამოიწვიოს. მათ მოუწევთ ძალების გამოზოგვა და პერიოდული დასვენება, წინააღმდეგ შემთხვევაში, სასწორებს არა მხოლოდ ჯანმრთელობასთან, არამედ ურთიერთობებშიც პრობლემები შეექმნათ.
სიყვარული. ეს წელი სასწორი-ქალებისთვის გამორჩეული იქნება, დაოჯახებულების ცხოვრება ჰარმონიული გახდება, რადგან მეორე ნახევარი მათ გაანებივრებთ, დასაოჯახებლების ცხოვრებაში ფლირტის ან სერიოზული ურთიერთობების დაწყების შანსი გაჩნდება. სასწორი-მამაკაცებს არ უნდა შეეშინდეთ პასუხისმგებლობის საკუთარ თავზე აღების, ასეთ შემთხვევაში მათი სასიყვარულო პარტნიორი სრულ ნდობას გამოუცხადებთ.



2015 წელს მორიელების ძირითადი ამოცანა იქნება საკუთარი ემოციური და მატერიალური მდგომარეობის მოწესრიგება იქნება. მითუმეტეს, რომ მთელი წლის განმავლობაში ეს ადამიანები საკმაოდ აქტიურები იქნებიან, რითაც ისინი შეძლებენ განვითარებას და წინსვლას. მორიელები საკუთარი გამბედაობით დაორგანიზებულობით გარშემომყოფებსაც კი გააოცებენ და წარმატებებსაც დამსახურებულად მიაღწევენ. თუმცა წარმატების მიღწევისთვის საჭირო იქნება საკუთარი მიზნების და გეგმების გასაიდუმლოება. წლის პირველ ნახევარში მათ `ცივი გონებით~ უნდა იმოქმედონ და ასე გადაჭრან ფინანსური საკითხები. მათი მხრიდან ნაკლები ყოყმანი და თავდაჯერებული მოქმედებები წარმატებას მოიტანს.. წლის მეორე ნახევარში გააქტიურდება უცხოეთთან, უმაღლეს განათლებასთან, ბიზნესთან დაკავშირებული საკითხები.
კარიერა და სამსახური. მორიელებისთვის 2015 წელს სამსახურებრივი წინსვლა იმ შემთხვევაში ექნებათ, თუ შეძლებენ საკუთარი ცოდნის კიდებ უფრო გაღრმავებასა და კვალიფიკაციის ამაღლებას. კარგი წელი იქნება ცოდნის მიღება-გადაცემასთან, კომპიუტერებთან, უცხო ენასთან და ბიზნესთან დაკავშირებით საქმიანობა, რადგან აქ უფრო მაღალი იქნება წარმატების მიღწევის ალბათობა.
ფინანსები. ფულთან მიმართებაში მორიელებს მუხლჩაუხრელი შრომა მოუწევთ, რათა არა მხოლოდ მათზე დაკისრებული ვალდებულებები შეასრულონ, არამედ მათ მიერ განხორციელებული მოქმედებები მათთვის ფინანსურადაც მომგებიანი იყოს. მორიელები უნდა მოერიდონ ვალების აღებას, ყურადღება მიაქციონ საკუთარი ქონების უსაფრთხოებასა და გადასახადებს, რათა ნერვიულობის გარეშე გაიარონ 2015 წელი.
ჯანმრთელობა.ამ წელს მორიელების ჯანმრთელობა დიდწილად მათ განწყობებზე იქნება დამოკიდებული, ამიტომ მათ უნდა ისწავლონ პოზიტიური აზროვნება და კარგზე კონცენტრაცია. არ იქნება საჭირო სტრესულ სიტუაციებზე ყურადღების გამახვილება. გაზაფხულის ბოლოდან შემოდგომის დასაწყისამდე მორიელებმა აუცილებლად უნდა დაისვენონ და ფიზიკური ძალები აღიდგინონ.
სიყვარული.მორიელი-მამაკაცებისთვის ცხოვრებაში მოიმატებს შეცდომების დაშვების ალბათობა. საჭირო იქნება კომპლექსების გარეშე მოქმედება. ის მორიელი-ქალები, რომლებსაც დაოჯახებულები არიან, უნდა გათავისუფლდნენ ეჭვიანობისგან და შიშის გრძნობისგან, ეს მათ ბედნიერებას ხელს შეუშლის. დასაოჯახებლები კი საკუთარ ინტუიციას უნდა მიენდონ, რადგან ასე სწორი გადაწყვეტილებების მიღება უფრო გაუადვილდებათ.


მშვილდოსნებისთვის 2015 წელი გასულ წელთან შედარებით დაძაბული იქნება და ეს უპირველესად სამსახურებრივ საქმეში და კარიერაში გამოიხატება. წლის პირველ ნახევარში ამ ადამიანებს სულიერი და ფიზიკური ძალების სრული მობილიზებამოუწევს, რათა უკვე დაწყებული პროექტები წარმატებით გააგრძელონ და პოზიტიურად დაასრულონ. უპირველეს ყოვლისა მათ პასუხისმგებლობის გრძნობა და სერიოზულობა მოეთხოვებათ, ეს თვისებები უპირველესად უნდა გამოავლინონ გარშემომყოფებთან ურთიერთობებისას და ასევე საკუთარი გეგმების თუ სურვილების მატერიალიზაციისას. წლის მეორე ნახევარი იმ მშვილდოსნებისთვის აღმოჩნდება პოზიტიური, რომლებიც მომავლისადმი ოპტიმიზმით იქნებიან განწყობილები, ხოლო საკუთარ გეგმების განხორციელებას ორგანიზებულად, მაგრამ ახალი მეთოდებითა და სტრატეგიით შეეცდებიან. წარმატების მიღწევისთვის აუცილებელი იქნება როგორც ძველი კავშირების განახლება, ისე ახალი კონტაქტების დამყარება
კარიერა და სამსახური. 2015 წელს მშვილდოსნების უმეტესობისთვის მთავარი ადრე დაწყებული საქმეების წარმატებით გაგრძელება ან დასრულება იქნება. ეს ეხება როგორც სამსახურს, ისე ბიზნესს. აგვისტომდე შესაძლებელი იქნება რთული საკითხების მოგვარება, საკუთარი საქმის წამოწყება, ახალ სამუშაო ადგილზე გადასვლა ან თუნდაც არსებულ სამსახურში ხელმძღვანელობასთან ურთიერთობების დარეგულირება.
ფინანსები. თუ მშვილდოსნები საკუთარ ბიუჯეტს გონივრულად არ დაგეგმავენ, მოსალოდნელია გაზაფხულის ბოლოს ვალების აღებაც კი მოუწიოთ, ამიტომ, მათ უნდა იზრუნონ შეამცირონ გასავლები და გაზარდონ შემოსავლები. ზაფხული შედარებით იღბლიანი იქნება და შესაძლოა დაუგეგმავი შემოსავლებიც ჰქონდეთ.
ჯანმრთელობა. მშვილდოსნებს მათი აქტიური ცხოვრების წესის გამო ჯანმრთელობა მთელი წლის მანძილზე სტაბილური ექნებათ, თუმცა ყურადღებას მაინც ითხოვს ყელი, ფარისებრი ჯირკვალი და კუჭი. ასევე ყურადღება უნდა გამოიჩინონ ისეთ სიტუაციებში, სადაც მაღალი იქნება ტრავმების ალბათობა. არ იქნება რეკომენდებული ფიზიკური გადატვირთვაც, განსაკუთრებით, თუ მათი ფიზიკური სამუშაოთი არიან დაკავებულები.
სიყვარული.იმ მშვილდოსნებისათვის, რომლებიც ჯერ კიდევ მეორე ნახევრის ძიებაში არიან, დამდეგი წელიწადი მნიშვნელოვანი და განსაკუთრებული იქნება. მოიმატებს რომანტიკული შეხვედრების, პაემნების და ქორწინების ალბათობა, განსაკუთრებით გაზაფხულსა და ზაფხულში. დაოჯახებულები მშვილდოსნებისთვის (განსაკუთრებით მანდილოსნებისთვის) ოჯახური ცხოვრება შედარებით ჰარმონიული გახდება და მოსალოდნელია სასიყვარულო პარტნიორთან ერთადაც კი იმოგზაურონ.


თხის რქებს 2015 წელს უკვე დაწყებული საქმეთა დასრულება და შედეგის მიღება მოუწევთ. მათთვის უფრო პოზიტიური წლის მეორე ნახევარი აღმოჩნდება. მათ უნდა
შეძლონ განვითარების ახალ ეტაპზე გადასვლა, რათა მიიღონ დამსახურებული ჯილდოები. ამ წელს ისინი შეუდგებიან საოჯახო თუ სამსახურებრივი საქმეების მოგვარებას. შეძლებენ საკუთარი ჩანაფიქრების პრაქტიკულ ჭრილში გადატანასა და მატერიალიზაციას. ეს წელი შესაძლებელია გამოყენებული იქნას შემოქმედებითი სამუშაოებისთვის, განსაკუთრებით ნაყოფიერი იქნება მუსიკაში, მხატვრობასა და მწერლობაში ახალი ნაწარმოებების შესაქმნელად. 2015 წელი თხის რქებს ასევე საშუალებას მისცემს არა მხოლოდ იოლად გადაჭრან წინა წლიდან გადმოყოლილი რთული საკითხები, არამედ წარმატებით დაგეგმონ მათთვის მნიშვნელოვანი მიზნებიც. ამ წელს განვითარებული მოვლენები მათ ბევრ ცხოვრებისეულ კითხვაზე გასცემს პასუხს - ეს უპირველესად შეეხება ნებისმიერი ტიპის ურთიერთობას. პირადი თუ საქმიანი კავშირების უმეტესობის საბოლოო ფორმირება სწორედ ამ წელს მოხდება.
კარიერა და სამსახური.თხის რქებს 2015 წელს საშუალება მიეცემათ გადახედონ თავის მიღწევებს და რეალური დასკვნებიც გამოიტანონ. წლის პირველ ნახევარში მათ მეტი კონცენტრაცია და ბოლომდე ბრძოლა მართებთ, რათა სამსახურებრივი წინსვლის და კარიერული ზრდის შანსი ბოლო წუთას არ გაუშვან ხელიდან.
ფინანსები. ფინანსური შემოსავლების გაზრდის პერსპექტივა უფრო 2015 წლის მეორე ნახევარში იქნება. თუმცა ფინანსების გამო ზედმეტ რისკზე წასვლა მათვე დააზარალებთ. მოთმინებითა და წინაღობების გეგმაზომიერად გადალახვით წლის ბოლო ისინი საკუთარი ფინანსური მდგომარეობით კმაყოფილები იქნებიან
ჯანმრთელობა.თხის რქებისთვის მთლიანობაში ეს წელი სტაბილური იქნება, თუმცა მათ მოუწევთ იზრუნონ ხერხემლის და ძვალ-სახსროვანი სისტემაზე, ამისათვის კარგი იქნება სპეციალური ვარჯიშები, იოგით ან ტანვარჯიშით დაკავება. ასევე მნიშვნელოვანი იქნება მხედველობა, ამიტომ, ჩივილების შემთხვევაში ამ ნიშნის წარმომადგენლებმა აუცილებლად უნდა მიმართოთ ექიმს.
სიყვარული. თხის რქა-მანდილოსებისთვის შედარებით სასიკეთო 2015 წლის შემოდგომა და ზამთარი იქნება, ამიტომ, სწორედ ამ პერიოდში მოსალოდნელია მათ ცხოვრებაში სასიკეთო ცვლილებების განხორციელება. თხის რქა-მამაკაცები იოლად გამოავლენენ მათ დადებით თვისებებს და ღირსებებს, რაც მათ მანდილოსნების გულებისკენ გზას გაუხსნით.


2015 წლის პირველ ნახევარში მერწყულები თავს დააღწევენ იმ მომაბეზრებელ გარემოებებსა და „ჩაკეტილ“ სიტუაციებს, რომლებშიც გასულ წელს მოხვდნენ. მოუწევთ ახალი და საინტერესო პროექტებში ჩართვა, კოლექტიური საქმიანობა და ახალი პარტნიორების მოძიება. ისინი თუ შეძლებენ კომპრომისზე წასვლასა და ტაქტის გრძნობასაც გამოიჩენენ, მაშინ მიზნის მიღწევასაც შეძლებენ. გარდა ამისა  მერწყულები მოსალოდნელია გაერთიანდნენ სხვადასხვა სოციალურ თუ არტ-ჯგუფებში, ეს კი მათ შემოქმედებით საქმიანობას მეტად პოზიტიურად წაადგება. წლის მეორე ნახევარში მერწყულებს მოუწევთ „კომფორტის ზონიდან“ გამოსვლა და აქტიური მოქმედებების დაწყება. მოვლენები მოსალოდნელია სწრაფად შეიცვალოს, ამიტომ, ისინი სწრაფად უნდა გაერკვნენ სიტუაციებში, მითუმეტეს, რომ შესაძლოა რადიკალური გადაწყვეტილებების მიღებაც დასჭირდეთ, ეს განსაკუთრებით საქმიან სფეროს ეხება. მათი წარმატების მიღწევა ინფორმაციის სწრაფად დამუშავება-გამოყენებაზე იქნება დამოკიდებული.
კარიერა და სამსახური.მერწყულები სამსახურში იმ შემთხვევაში მიაღწევენ წარმატებას, თუ ისინი შეიყვარებენ იმ საქმეს, რასაც აკეთებენ. ასევე სასიკეთო იქნება ახალი ნაცნობებიდან წამოსული წინადადებები თუ პერსპექტივები. სასიკეთო იქნება ხელოვნებასთან, კომერციასთან და უცხოეთთან დაკავშირებით საქმიანობა. მათ 2015 წლის პირველ კვარტალშივე უნდა მოახერხონ კონცენტრაცია და დასახული მიზნებისთვის შეუპოვარი ბრძოლა, ასე წარმატებას გაცილებით იოლად მიაღწევენ.
ფინანსები.მერწყულებს ფინანსებში მოუწევთ ეკონომიურობის გამოჩენა, რადგან გადამეტებული ხარჯების გამო შესაძლოა, ისინი სერიოზული გამოწვევების წინაშე დადგნენ. რომელი მერწყულიც ფინანსურ კრიზისს განიცდის, წლის მეოთხე კვარტალში, მათი მდგომარეობა მნიშვნელოვნად გამოსწორდება, ისინი არ მხოლოდ ვალების გასტუმრებას, არამედ გარკვეული დანაზოგის გაკეთებასაც კი შეძლებენ.
ჯანმრთელობა.ამ მიმართულებით მოვლენები შეიძლება უცნაურად განვითარდეს, ამიტომ, მერწყულებს ჯანმრთელობის პერიოდული კონტროლი დასჭირდებათ და საჭირო დროს ექიმთან ვიზიტიც არ უნდა გადადონ. ისინი უნდა გაუფრთხილდნენ შარდ-სასქესო სისტემას და თირკმელებს. კარგი იქნება ორგანიზმის გამწმენდი პროცედურები.
სიყვარული. მერწყული-ქალები სანამ ახალ რომანს ან თუნდაც უბრალო ნაცნობობას წამოიწყებენ, მანამდე საჭირო იქნება ძველ ურთიერთობაში გარკვევა. ცვლილებები გაზაფხულსა და ზაფხულში იქნება და ამ დროს მიღებული გადაწყვეტილება მათ ბედზე მოახდენს გავლენას. მერწყული-მამაკაცები ურთიერთობებში გახსნილები და გულწრფელები იყვნენ და ისიც იმ შემთხვევაში მიაღწევენ წარმატებას, თუ ეს სერიოზულ გრძნობაზე იქნება დამყარებული.



2015 წელი თევზებისთვის გარდამტეხი აღმოჩნდება - ცვლილებები ძირითადად კარიერასთან დაკავშირებულ საკითხებს, ასევე საზოგადოებასთან ურთიერთობებს შეეხება. წლის პირველ ნახევარში ეს ადამიანები შეძლებენ მიზნების მიღწევას სტრატეგიულ დაგეგმარებისა და მიზანმიმართული მოქმედებების ხარჯზე. თევზები მთელი წლის მანძილზე იქნებიან დაკავებულები, მათი გეგმები, ინიციატივები და ჩანაფიქრები გარშემომყოფთა მოწონებას დაიმსახურებს. მათ წარმატება ელით თუ ისინი ხელოვნებაში მოღვაწეობენ (განსაკუთრებით მუსიკასა და ლიტერატურაში). მოსალოდნელია მათ გააკეთონ უფრო მეტი, ვიდრე ბოლო წლებში გააკეთეს. წლის მეორე ნახევარში თევზების ნიშნით დაბადებულ ადამიანებს მართებთ საკუთარი მიზნები პრაქტიკულ ჭრილში დაინახონ, გათავისუფლდნენ ფსევდო-მიზნებისგან და ილუზიური წარმოდგენებისგან, ამასთანავე, საკუთარი შესაძლებლობები, რესურსები კარგად შეაფასონ და ისე იმოქმედონ.
კარიერა და სამსახური. 2015 წელი მთლიანობაში პერსპექტიული იქნება, განსაკუთრებით აგვისტომდე პერიოდი. სამსახურებრივ საქმეები მოსალოდნელია იანვარ-თებერვალშივე აქტიური გახდეს და თქვენგან კონცენტრაცია და მნიშვნელოვანი გადაწყვეტილებების მიღება მოითხოვოს. საჭირო დროს დახმარებისთვის მიმართეთ ახლობელ ადამიანებს, რადგან მარტოს გაგიჭირდებათ სამსახურთან და კარიერასთან დაკავშირებული პრობლემების გადაჭრა.
ფინანსები. თევზებმა წლის პირველ ნახევარში უნდა შეძლონ გართულებული ფინანსური მდგომარეობის გამყარება, ვალების გადახდა, კრედიტებთან დაკავშირებული საკითხების მოგვარება ან დასტაბილურება მაინც. წლის მეორე ნახევარში ყურადღებას მოითხოვს საბანკო ვალდებულებები. ისინი უნდა მოერიდონ ფულის სესხება-გასესხებას და ავანტიურისტული საქმეების წამოწყებას, რადგან მოსალოდნელია ამას ფინანსური დანაკარგები მოჰყვეს.
ჯანმრთელობა. თევზებს 2015 წლის დასაწყისშივე მოუწევთ საკუთარი ორგანიზმის გაჯანსაღებისთვის ზრუნვა, ეს შეიძლება იყოს იმუნიტეტის გაძლიერება ან ემოციური სისტემის გამყარება. კვების კუთხით, მათ უნდა შეზღუდონ შაქარი და ცომეული. სასიკეთო იქნება ასევე ფიზიკური ვარჯიშები, სუფთა ჰაერზე ხშირი სეირნობა.
სიყვარული. თევზები-მანდილოსნებისთვის ეს წელი საინტერესო პერიოდი იქნება. მოსალოდნელია მათ დაიწყონ ახალი ურთიერთობა ან ძველი სასიყვარულო ურთიერთობა სასიკეთო დასასრულამდე მიიყვანონ. თევზი-მამაკაცებისთვის ეს წელი უფრო ცვალებადი იქნება და მოუწევთ არსებული კავშირების განვითარების ახალ საფეხურზე გადაყვანა, რაც ან სრული განხეთქილებით დასრულდება ან სამუდამო სასიყვარულო კავშირით.

* ცვალებადობა.

ჩინურ მეტაფიზიკის მიხედვით მაიმუნის ნიშანში ერთდროულად არის ინიც და იანი, ბნელი და ნათელი, სიბრძნე და სისულელე, ლოგიკურობა და არაადეკვატურობა.
მაიმუნი -აღმოსავლური ზოდიაქოს მთავარი მოთამაშეა. ის ერთდროულად მსახიობიც არის და რეჟისორიც. ის თვითონ ჰკარნახობს მოქმედებების გეგმას არა მხოლოდ საკუთარ თავს, არამედ სხვებსაც, იმავდროულად მას შეუძლია მოკლე პერიოდში სწრაფად შეცვალოს როგორც მოქმედებების გეგმა, ისე ვექტორიც კი. მოვლენების ასე განვითარება ბევრ ადამიანს აბნევს და შეცდომებს აშვებინებს. თუმცა მაიმუნის წელში წინდახედულობითა და სიფრთხილით კრიზისული სიტუაციებისგან თავის დაღწევა შესაძლებელია.
როგორც წესი, მაიმუნის წელში დამახასიათებელია მოვლენების დინამიკური განვითარება. წარმატების მიღწევისთვის კი აუცილებელი იქნება შეუპოვრობის, კომუნიკაბელურობის, მოხერხებულობისა და დიპლომატიურობის გამოჩენა. არ არის გამორიცხული განვითარებული მოვლენები მოულოდნელად შეიცვალოს, ამიტომ, არ არის რეკომენდებული გაუმართლებელ რისკზე წასვლა. გაზრდილი იქნება მოტყუების ალბათობა, ამიტომ, „სიტყვაზე ნდობა“ გამართლებული არ იქნება.
ამ წლის ერთ-ერთი სიმბოლო ბრძენი ხუმარაა, რომელიც მეფეს ხუმრობითა და სიცილ-სიცილით სიმართლეს ეუბნება, ამიტომ, 2016 წელს მოსალოდნელია ბევრი სკანდალის გამჟღავნება, დაფარული და შენიღბული მოვლენების გამოაშკარავება და ძველი დანაშაულების გახსნა.

                      რას უნდა ველოდოთ 2016 ცეცხლის (წითელი) მაიმუნის წელს

მაიმუნის წელი (1908, 1920, 1932, 1944, 1956, 1968, 1980, 1992, 2004, 2016) - აღმოსავლური ასტროლოგიის მიხედვით ცეცხლის ენერგიით იმართება. ის წითელ ფერთან ასოცირდება.
საინტერესოა, რომ ინდურ მითოლოგიაში არსებობს მაიმუნი-ღმერთი ჰანუმანი (ჩინურ მითოლოგიაში ჰანუმანს სუნ უკონგი ეწოდება, რომელიც ისევე როგორც ჰანუმანი, მოხერხებულობასთან,  ძალასთან და გამარჯვებასთან ასოცირდება. აქედან გამომდინარე, ჩინელი ასტროლოგები თვლიან, რომ მაიმუნის წელს გამარჯვების მისაღწევად ძალასთან და შეუპოვრობასთან ერთად გამჭრიახობა და მოხერხებულობაც საჭიროა. ასე რომ, მაიმუნის წელში გამარჯვებისთვის აუცილებელი იქნება კომუნიკაბელურობის, შეუპოვრობის, დიპლომატიურობის, გამბედაობის, მოხერხებულობის, გამჭრიახობის, მიხვედრილობის, მოქნილობის, დიპლომატიურობის გამოვლენა და პასუხისმგებლობის საკუთარ თავზე აღება.
2016 წელს „იან“ (მამრული) ენერგია მართავს. ეს კოსმოსური იმპულსების ძლიერ, დინამიკურ გამოვლენაზე მიანიშნებს. აქედან გამომდინარე, ამ წელს წარმატებას ძლიერი, ენერგიული, აქტიური, შეუპოვარი და მიზანსწრაფული ადამიანები მიაღწევენ. გარდა ამისა, წარმატების მიღწევისთვის ასევე მნიშვნელოვანი იქნება ინიციატივის გამოვლენა, ორგანიზებულობა და რისკ-ფაქტორების კონტროლი.
მაიმუნის წლისთვის დამახასიათებელია მერყეობა და ცვლილებები, ამიტომ, 2016 წელს მოვლენების თავის კალაპოტში მშვიდი დინება ნაკლებად არის მოსალოდნელი. როგორც სახელმწიფოებრივ, ისე ინდივიდუალურ დონეზე სტაბილურობის მიღწევა ძალიან ძნელი იქნება. ბევრი ადამიანი ძნელად აუწყობს ფეხს 2016 წლის არასტაბილურ რიტმს და ეს როგორც მენტალურ, ისე მატერიალურ დონეზე გარკვეულ პრობლემებს შექმნის.
მაიმუნი ურთიერთწინაღმდეგობრივი ნიშანია, ამიტომ მაიმუნის წელს ბევრ ადამიანს უჩნდება შინაგანი წინააღმდეგობები, ეჭვები, შფოთვისა და განგაშის განცდა, რაც მათ დაუგეგმავი, იმპულსური და წინდაუხედავი მოქმედებებისკენ უბიძგებთ. ეს კი შეცდომების დაშვების მიზეზი ხდება. ამიტომ ამ წელს ადამიანებმა უნდა ისწავლონ სიტუაციის რამდენიმე კუთხით შეხედვა და საფუძვლიანი ანალიზი, ეს შეცდომების რაოდენობას შეამცირებს.
მაიმუნის წელს ხშირად აქტიურდება წინა წლებში დაწყებული პრობლემები და კრიზისები, ამიტომ საჭირო იქნება ძველი, უკვე დავიწყებული თუ მოუგვარებელი პრობლემების ანალიზი და მათი მშვიდად, ყოველგვარი აგრესიის და ძალადობის გარეშე მოგვარება, რადგან 2016 წლის სტიქია ცეცხლია, ამიტომ მოვლენების ნეგატიურად განვითარებისას არც თუ იშვიათია კონფლიქტური სიტუაციები და დაპირისპირებები.
2016 წელს ადამიანებში გამომგონებლობა, იმპროვიზაციის ნიჭი, მოხერხებულობა და გამჭრიახობა მოიმატებს. მაგრამ სწრაფი წარმატება შესაძლოა ეფემერული და ილუზორულიც კი აღმოჩნდეს.
2016 წელი დინამიური პერიოდი იქნება და ასეთ დროს აუცილებელია წინ მოძრაობა. მათაც კი ვისაც ცვლილებები არ უყვართ, ცხოვრებაში გარკვეული ტრანსფორმაციების განხორციელება მოუწევთ. მაიმუნი განსაკუთრებით წყალობს ნიჭიერ ადამიანებს.
სტიქიების მიხედვით 2016 წლის 9 სექტემბრამდე შედარებით პოზიტიური იქნება მიწის სტიქიით, ანუ კუროს, ქალწულის და თხის რქის ნიშნით დაბადებული ადამიანებისთვის, ხოლო 2016 წლის 9 სექტემბრიდან - წლის ბოლომდე უკვე ჰაერის სტიქიით, ანუ ტყუპის, სასწორის და მერწყულის ნიშნით დაბადებული ადამიანებისთვის იქნება სასიკეთო. თუმცა 2016 წელს არ გაუჭირდებათ ცეცხლის სტიქიის ნიშნებსაც (ვერძი, ლომი, მშვილდოსანი), რადგან მაიმუნის ენერგიულობას და ისინი მეტ-ნაკლებად ფეხს აუწყობენ. ყველაზე მეტი მობილიზება და ორგანიზებულობის გამოვლენა კირჩხიბებს, მორიელებს და თევზებს მართებთ, მათ უნდა შეძლოთ საკუთარი ემოციების მართვა და „ცივი გონებით“ მოქმედება.
2016 წელს მზის ორი დაბნელება დაფიქსირდება: 9 მარტს - მზის სრული, ხოლო 1 სექტემბერს - მზის რგოლური დაბნელება იქნება. რაც შეეხება მთვარის დაბნელებას, ის სამი იქნება და სამივე ნაწილობრივი - 23 მარტს, 18 აგვისტოს და 16 სექტემბერს. ამ პერიოდებში მნიშვნელოვანი გადაწყვეტილებების მიღება და ახალი საქმეების დაწყება რეკომენდებული არ არის.

მსოფლიო. აღმოსავლური ასტროლოგიის მიხედვით მიჩნეულია, რომ მაიმუნის წელი (1908, 1920, 1932, 1944, 1956, 1968, 1980, 1992, 2004, 2016) - არასტაბილურია, ამიტომ, 2016 წლის დამახასიათებელი იქნება ურთიერთწინააღმდეგობრიობა, მერყეობა, ცვალებადობა  და არამდგრადობა.
მაიმუნის წელში მოვლენები ერთი შეხედვით ღიად და გახსნილად ვითარდება, თუმცა ეს მოჩვენებითია, რადგან ამ წელს ახასიათებს ეშმაკობა და ცბიერობა, რაც ბევრი ადამიანის ცხოვრების „აყირავების“ საფუძველი ხდება (ამ ტენდენციით 2016 წელი რამდენადმე ჰგავს 2015 წელს). ეს ტენდენცია 2016 წელს აქტიური იქნება არა მხოლოდ ინდივიდუალურ, არამედ სახელმწიფოებრივ დონეზეც, ამიტომ, ამ წელს რეკომენდებული არ იქნება „სიტყვაზე ნდობა“ და დაუფიქრებლად რისკზე წასვლა.
პოლიტიკურ-ეკონომიკური თვალსაზრისით 2016 წლის პირველი ნახევარი გაცილებით არასტაბილური იქნება, რადგან როგორც წინა წელს, ისე ამ წელსაც შენარჩუნდება ურან-პლუტონის ნეგატიური კავშირი, რომელიც 2011-12 წლებიდან მოყოლებული დაძაბულობასა და კრიზისულ სიტუაციებს ქმნის. თუმცა არ არის გამორიცხული მთელ რიგ ქვეყნებში ეს შინაგანი დაძაბულობა და პოლიტიკური კრიზისი ღიად არ გამოვლინდეს, რადგან „მაიმუნი“ ერიდება ღია კონფრონტაციასა და დაპირისპირებას, ამიტომ, თუ მოხდა ამ კრიზისის დაგროვება, ის აუცილებლად ამოიფრქვევა 2016 წლის მეორე ნახევარში და კიდევ უფრო დიდი მასშტაბით.
ამ წელს განხორციელებული საზოგადოებრივი თუ პოლიტიკური რეფორმები, ცვლილებები და ახალი კანონები მთელი ძალით მხოლოდ რამდენიმე წლის გავლის შემდეგ გამოვლინდება (ეს იმითაც იქნება განპირობებული, რომ ხალხი ცვლილებებისთვის მზად არ იქნება. 2016 წელს მსოფლიოს ბევრ ქვეყანაში ამ წელს მთავრობისა თუ ლიდერების შეცვლა მოხდება. განსაკუთრებით ეს ტენდენცია აზიურ  ქვეყნებს შეეხება, რომლებზეც უფრო ძლიერად აისახება ეს ტენდენცია (საერთოდ ეს წელი ძალიან ბევრი ქვეყნისთვის გარდამტეხი და საბედისწერო იქნება).
საერთაშორისო პოლიტიკურ ცხოვრებაში წელს გააქტიურდება თანამშრომლობისა და გარიგების მომენტი, წარმოიშობა მრავალი თამამი და მოულოდნელი პროექტი, რომლებიც პოლიტიკოსებისგან მოითხოვენ ურთიერთთანამშრომლობას.
ამ წელს მნიშვნელოვნად მოიმატებს აჯანყებები, გაფიცვები და რევოლუციები, რადგან მაიმუნი ასტროლოგიურად ბუნტისთავია. ასეთი ტენდენციები მოულოდნელად, ხისტად, მაგრამ მოკლე პერიოდში გამოვლინდება.
ეს მოვლენები ასე ვთქვათ მომწიფდება წლის პირველ ნახევარში და უფრო დიდი ალბათობით წლის მეორე ნახევარში გამოვლინდება, როდესაც გასაგები გახდება ვინ ვის ატყუებს და რა დოზით. მოსალოდნელია სწორედ ამ დროს მოხდეს სახელმწიფოებრივი ცვლილებები, გადადგომები, განსაკუთრებით არასტაბილური პოლიტიკური რეჟიმის ქვეყნებში, სადაც სამხედრო გადატრიალებები და შეიარაღებული დაპირისპირებებიც არ არის გამორიცხული (წლის პირველ ნახევარში ამის ალბათობა მაღალი უფრო მეტად მარტში იქნება).
2016 წლის პირველ კვარტალში განსაკუთრებით დაძაბული 1-8 იანვარი და 17-26 იანვრის შუალედი, თუმცა რაც არ უნდა პარადოქსული იყოს, მოსალოდნელია სწორედ ამ პერიოდში დაიწყოს გარკვეული  პერსპექტივების განვითარება, რამაც მოსალოდნელია გარკვეული პოზიტივიც კი მოიტანოს. ამ დაძაბულობაში პერიოდში მოქნილი და გამჭრიახი პოლიტიკოსები შეძლებენ საერთაშორისო ურთიერთობების განმტკიცებასა. თებერვალი პირველ კვარტალში ყველაზე პოზიტიური პერიოდი იქნება და როგორც პოლიტიკურ, ისე საზოგადოებრივ ცხოვრებაში შესაძლებელი იქნება სასიკეთო ცვლილებების განხორციელება. მარტში როგორც პოლიტიკაში, ისე ბიზნესში აუცილებელი გახდება საკუთარი გეგმების გადახედვა, ბევრ ადამიანს მოუწევს შეცვალოს საკუთარი გეგმები ან მათში გარკვეული შესწორება შეიტანოს. მარტში ბევრ პოლიტიკოსს მოუწევს ახალი გზების და ახალი პარტნიორების ძიება, წინააღმდეგ შემთხვევაში ისინი სერიოზულ პრობლემებს წააწყდებიან. უნდა აღინიშნოს, რომ მარტში მოიმატებს კატასტროფების, ტექნიკური ავარიების და კრიმინალის რაოდენობაც, ამიტომ პოლიციას და საგანგებო სიტუაციების სამსახურებს განსაკუთრებული მუშაობა მართებთ.
2016 წლის ძირითადი ნეგატიური გავლენა მეორე კვარტალში გამოვლინდება და ამის ნიშნები უკვე პირველი კვარტლის ბოლოს, მარტში გაჩნდება. აპრილის პირველ-მეორე დეკადაში მოსალოდნელია გაძლიერდეს როგორც პოლიტიკური, ისე ეკონომიკური კრიზისი, რაც ხალხში გაღიზიანებას და პროტესტის განცდას გაზრდის. 14 აპრილიდან - 25 ივნისამდე ცის კაბადონზე იუპიტერი, სატურნი და ნეპტუნი შექმნიან ნეგატიურ წყობას (კონფიგურაციას), რომელსაც ტაუ-კვადრატი ეწოდება. თუ ადამიანები გონიერებას არ გამოიჩენენ სხვა და სხვა ქვეყნებს თუ პოლიტიკოსებს შორის დაპირისპირება გარდაუვალი გახდება. ამ დროს ბიზნესში მოსალოდნელია ჩავარდნა, მოიმატებს კრიმინალის რაოდენობა, არ არის გამორიცხული გააქტიურდნენ ტერორისტული ორგანიზაციებიც. ივნისის მესამე დეკადიდან დაძაბულობა შემცირდება, საერთო მდგომარეობა შედარებით ჰარმონიული გახდება და სიტუაცია ეტაპობრივად დამშვიდდება.
ჰარმონიულად დაიწყება მესამე კვარტალი - ივლისში მოსალოდნელია გაუმჯობესდეს საერთო ეკონომიკური მდგომარეობა, ქვეყნებს და ადამიანებს შორის მოსალოდნელია ურთიერთგაგება და სოციალური კავშირების გამყარება. იმ ქვეყნებს, სადაც პოლიტიკური კრიზისი ან კონფლიქტია, გაუჩნდებათ შანსი გამოვიდნენ რთული მდგომარეობიდან, ხოლო დაპირისპირებული მხარეები რაიმე შუალედურ პოზიციებზე შეთანხმდნენ. მესამე კვარტალში ივლისისგან განსხვავებით აგვისტო და სექტემბერი უფრო რთული პერიოდი იქნება, ამიტომ პოლიტიკოსების მხრიდან საჭირო იქნება წინდახედულობისა და სიფრთხილის გამოჩენა, რათა წლის პირველ ნახევარში დაწყებული სასიკეთო ტენდენციები სწორედ ამ პერიოდში არ დამუხრუჭდეს.
რაც შეეხება მეოთხე კვარტალს, უფრო ჰარმონიული მეორე ნახევარი იქნება, ამიტომ, ოქტომბერში უფრო მეტი ყურადღების გამოჩენა იქნება საჭირო (პიკი: 4-14 ოქტომბერი). ამ პერიოდში მოსალოდნელია გადახედილი იქნას მთელი რიგი საკითხები და საჭიროების შემთხვევაში კარდინალური ცვლილებებიც განხორციელდეს. ის პოლიტიკოსები, ბიზნესმენები თუ უბრალო ადამიანები, რომლებიც ოქტომბრის ბოლომდე საკუთარ პოზიციებს თუ რეიტინგს მყარად შეინარჩუნებენ, მაშინ ნოემბერ-დეკემბერში საკუთარ საქმეში წინსვლასაც კი შეძლებენ. ამ პერიოდში ძირითად საფრთხეს იუპიტერი-პლუტონის ნეგატიური კავშირი შექმნის და ეს ასტროლოგიურად საკუთარ თავზე ზედმეტი პასუხისმგებლობის აღებასა და წინდაუხედავად რისკზე წასვლაზე მიანიშნებს. რომელი პოლიტიკოსიც ამ ნეგატიურ ტენდენციებს თავს აარიდებს, ის ნამდვილად მიაღწევს წარმატებას.
პლანეტა იუპიტერი 2016 წლის სექტემბრის დასაწყისამდე ქალწულის ზოდიაქოში იმოძრავებს, ეს კი გამარჯვებას მოუტანს იმ ადამიანს და ქვეყნებს, ვისაც უყვართ წესრიგი, დისციპლინა და მეთოდურობა. სექტემბრის პირველ დეკადაში იუპიტერი სასწორის ზოდიაქოში გადაინაცვლებს და ეს უკვე სასიკეთო ტენდენციებს შექმნის პარტნიორულ საქმიანობაში, პოლიტიკურ სარბიელზე კი წარმატებას მიაღწევენ ის პარტიები თუ ქვეყნები, რომლებიც ერთ ბლოკში თუ კავშირში გაერთიანდებიან.
2016 წელს პლანეტა სატურნი მშვილდოსნის ზოდიაქოში იმოძრავებს, ამიტომ, წინაღობები შეიქმნება ისეთ საკითხებთან მიმართებაში, რომლებიც რისკზე წასვლას და ახალი სივრცეების ათვისებას გულისხმობს. ადამიანი წარმატებას არა ერთბაშად, არამედ ნაბიჯ-ნაბიჯ მიაღწევენ. 
გარდა ამისა, 2016 წელს წარმატებას მიაღწევენ ის ადამიანები და ქვეყნებიც, რომლებსაც ერთი მხრივ გაქანება, ხოლო მეორე მხრივ მოქნილება ახასიათებთ, უხეში მეთოდებით გამარჯვების მიღწევა კი სათუო გახდება. ეკონომიკური და ფინანსური კუთხით 2016 წელი წინა წლებისგან მნიშვნელოვნად განსხვავებული არ იქნება, ფინანსური კრიზისისთვის თავის არიდება გამჭრიახობით და ინტელექტუალური რესურსებით იქნება შესაძლებელი.
2016 წლის გარდამტეხი პერიოდი იქნება მარტი (როდესაც მზისა და მთვარის დაბნელება დაფიქსირდება), ამიტომ, ამ დროს განვითარებული მოვლენები იქნება იმის ერთგვარი მაჩვენებელი თუ როგორ განვითარდება შემდგომი პოლიტიკური პროცესები.

საქართველო.რა თქმა უნდა, ის პოლიტიკურ-ეკონომიკური ცვლილებები და ტენდენციები, რომლებიც 2016 წლისთვის იქნება დამახასიათებელი, საქართველოზეც აისახება. „თხის“ მერყეობასა და ჭირვეულობას „მაიმუნის“ მერყეობა, ეშმაკობა და გამჭრიახობა შეცვლის. მოსახლეობა არ იქნება კმაყოფილი, რადგან დაბალ რგოლებზე როგორც წესი, სუსტად ვლინდება ის ტენდენციები, რომელიც მაიმუნის წელში წარმატების მიღწევისთვის არის საჭირო, ამიტომ, ის ადამიანები, ვინც `არ დაელოდება ბედს~ და პირიქით, აქტიურად და რაც მთავარია, გონივრულად იმოქმედებს, მნიშვნელოვან წარმატებას მიაღწევს.
ყურადღებას ითხოვს ფინანსური საკითხები, რადგან მაიმუნის წელი არასტაბილურია და ყურადღებას ითხოვს კრედიტებთან დაკავშირებული საკითხები. არ არის სასურველი ვალების გაუაზრებლად აღება, ეს ამ წელს ჩვეულებრივზე მეტ საფრთხეს შექმნის და დანაკარგების ალბათობას ერთი-ორად გაზრდის.
2016 წელს საქართველოს ხელისუფლება იგრძნობს ხალხში უკმაყოფილების მატებას და შეეცდება გადადგას მისთვის მომგებიანი ნაბიჯები, თუმცა ეს საკმარისი არ იქნება ხალხის გულის მოსაგებად. უნდა ითქვას, რომ მიუხედავად ხელისუფლების გარკვეული მოქმედებებისა და ძალისხმევისა, საერთო მდგომარეობა ნაკლებად დასტაბილურდება და უფრო ხშირად მერყევი იქნება.
თუ როგორ სწორად წარმართავს პოლიტიკურ პროცესებს ხელისუფლება საქართველოში, ამის ნიშნები უკვე 2016 წლის მარტიდანვე გამოჩნდება. მარტიდან - ივნისამდე პერიოდში პერიოდში არ არის გამორიცხული საქართველოს ხელისუფლება მთელი რიგი გამოწვევების წინაშე დადგეს, ეს შეიძლება იყოს როგორც ეკონომიკური კრიზისი და საპროტესტო გამოსვლები, ისე ამ პერიოდში გააქტიურებული ბუნებრივი კატაკლიზმები, ამიტომ ამ მიმართულებითაც ყურადღების გამოჩენა იქნება საჭირო.
2016 წელი კომერციული საქმიანობისთვის და ბიზნესისთვის ცუდი ნამდვილად არ იქნება, რადგან როგორც წესი, მაიმუნის წელში ბევრი ბიზნესმენი ახერხებს წინსვლას და საკუთარი საქმიანობის გაფართოებას. თუმცა სწორედ უნდა მოხდეს რისკების გათვლა.
2016 წელს მნიშვნელოვანი იქნება ნდობის ფაქტორის წინ წამოწევა, რადგან გაზრდილი იქნება ტყუილისა და თაღლითობის ალბათობა. ამიტომ, ყურადღების გამოჩენა მართებთ იმ ადამიანებს, რომლებსაც სარისკო ფინანსურ ოპერაციებთან ექნებათ შეხება. მხოლოდ სიტყვაზე ნდობა ამ წელს გამართლებული არ იქნება, ყველაფერი საბუთებში უნდა აისახოს, რათა გაყალბებას და თაღლითობის ალბათობა გარკვეულწილად გამოირიცხოს.
საქართველოსთვის რთული პერიოდები იქნება გაზაფხული, ზაფხულის მეორე ნახევარი და შემოდგომის დასაწყისი იქნება. საქართველოს ხელისუფლებას სწორედ ამ პერიოდებში მართებს წინდახედულობის გამოჩენა, რათა საქართველოს პოლიტიკური ცხოვრება მშვიდ ტემპში განვითარდეს.

ვერძი 

იანვარში გაგიჩნდებათ სასიკეთო ცვლილებების შესაძლებლობა, რომელიც სამსახურთან, კარიერასთან ან ფინანსებთან იქნება დაკავშირებული (განსაკუთრებით თუ ეს ყველაფერი 2015 წელს დაიწყო). კარიერული საკითხები აქტიური იქნება თებერვალშიც, შესაძლოა ამ დროს მიიღოთ დახმარება ხელმძღვანელობისგან ან გავლენიანი ადამიანებისგან. მარტში მოიმატებს თქვენი მიზანსწრაფვა, რაც დაგეხმარებათ წარმატების მიღწევაში. აპრილში და განსაკუთრებით მესამე დეკადაში სიფრთხილე და წინდახედულება გამოიჩინეთ, ნუ იჩქარებთ და ნუ იქნებით აგრესიული. მაისის მეორე ნახევრიდან სიტუაცია შედარებით დარეგულირდება, თუმცა მაისის ბოლოდან ივნისის პირველ დეკადამდე მოთმინება გამოიჩინეთ, ასე უფრო მიაღწევთ წარმატებებს. ივნისი შედარებით სასიკეთო იქნება სასიყვარულო-რომანტიკული შეხვედრებისთვის და ქორწინებისთვის. ივლისი თქვენგან ბევრ ძალისხმევას მოითხოვს, განსაკუთრებით ოჯახური საკითხები და სამსახურებრივი წვრილმანები. აგვისტოში მოიმატებს ფლირტის და ქორწინების ალბათობა, თუმცა აგვისტოში მეტი ყურადღება გამოიჩინეთ ჯანმრთელობის მიმართ. შეეცადეთ, ამ დროს დაისვენოთ კიდეც. აგვისტოდან ბოლოდან საქმიანი საკითხები გააქტიურდება და მოსალოდნელია სექტემბრის მეორე დეკადიდან მნიშვნელოვან წარმატებას მიაღწიოთ. სასიკეთო ტენდენციები გააქტიურდება ოქტომბერშიც, გახდებით უფრო მეტად შემოქმედებით, თუმცა პარალელურად მოიმატებს ხიფათის ალბათობაც, ამიტომ მოერიდეთ ექსტრემალურ სიტუაციებს. ნოემბერში სჯობს აქცენტი პარტნიორულ საკითხებზე გააკეთოთ, თუმცა 10-17 ნოემბერში მოერიდეთ კონფლიქტებს. დეკემბერში გააქტიურდება როგორც უძრავ ქონებასთან, ისე ფინანსებთან დაკავშირებული საკითხები.

კურო 

იანვარ-თებერვალი თქვენს ცხოვრებაში საინტერესო ცვლილებებს მოიტანს, გაგიჩნდებათ შესაძლებლობები დაამყაროთ საინტერესო კავშირები და მოძებნოთ ახალი პარტნიორები, შეეცადეთ დასახულ მიზნამდე ნელა და სტაბილურად იაროთ. გადაწყვეტილებები საქმიანი ინფორმაციის გადამოწმების შემდეგ მიიღეთ, ფინანსური ვალდებულებების მიმართ კი ყურადღება გამოიჩინეთ. მარტში გააქტიურდება სწავლასთან და უცხოეთთან დაკავშირებულ საკითხები. აპრილში და მაისში უფრო მეტი ორგანიზებულობა გამოავლინეთ, რათა დაწყებული საქმეები ნაკლები კონცენტრაციის გამო არ დამუხრუჭდეს, ხოლო პარტნიორები და მეგობრები არ გაანაწყენოთ. ამ პერიოდში ყველაზე სასიკეთო იქნება 9-20 მაისის შუალედში, როდესაც როგორც პირად, ისე საქმიან ცხოვრებაში წარმატების მიღწევის ალბათობა მოიმატებს. ივნისის პირველი ნახევარი უფრო წინდახედულად გაიარეთ. მოერიდეთ ხელმძღვანელობასთან და ოჯახის წევრებთან დაპირისპირებებს. ივლისი და აგვისტო შედარებით პასიური იქნება, თუმცა მოახერხებთ ოჯახური საკითხების დარეგულირებას და ოჯახის წევრების გახარებას. არ არის გამორიცხული მოგიწიოთ საცხოვრებელი სივრცის რემონტი. აგვისტოს ბოლოსა და სექტემბრის დასაწყისში მოერიდეთ ჭორებს, ინტრიგებს და საეჭვო გარიგებებს. თუმცა სექტემბრის მეორე ნახევარი სასიკეთო აღმოჩნდება და მოსალოდნელია პროფესიულ საქმეში წარმატების მიღწევა შეძლოთ. ოქტომბერსა და ნოემბერში მოსალოდნელია გაამყაროთ თქვენი პერსპექტივები, თუმცა გაუფრთხილდით ჯანმრთელობასაც. ნოემბრის ბოლოს და დეკემბერში მოიმატებს თქვენი ამბიცია და გაგიჩნდებათ მოგზაურობის შესაძლებლობა. ასევე შეძლებთ პირად ცხოვრებასთან დაკავშირებით სასიკეთო ცვლილებების განხორციელებას.

ტყუპი
2016 წლის დასაწყისში მოსალოდნელია მოგიხდეთ წინა წელს შექმნილი პრობლემების მოგვარება. გამოიჩინეთ მოთმინება და შეინარჩუნეთ ოპტიმიზმი, ეს საშუალებას მოგცემთ, რომ არ მიატოვოთ საქმე. იანვრის ბოლო და თებერვალის პირველი დეკადა სასიკეთო იქნება, განსაკუთრებით საქმიანი შეხვედრებისთვის და მოლაპარაკებებისთვის,  და შეთანხმებების მიღწევისთვის. თებერვლის ბოლოს და მარტში მოერიდეთ სარისიკო ფინანსურ ოპერაციებს. აპრილში და მაისის დასაწყისში ნუ იჩქარებთ და მოერიდეთ ილუზიურ გარემოებებს. მაისის მესამე დეკადიდან ფინანსებთან მიმართებაში სასიკეთო ცვლილებების განხორციელების შანსი გაგიჩნდებათ. წარმატებას მიაღწევთ კომერციულ გარიგებებში. ივნისში როგორც სახლში, ისე სამსახურში თქვენთვის კომფორტული გარემოებების შექმნას მოახერხებთ. ივლისი კარმული თვე იქნება მოგიწევთ მხოლოდ დაშვებული შეცდომების გამოსწორება, თუმცა ამავე დროს მოიმატებს მოგზაურობის ალბათობაც. გააქტიურდება უძრავ ქონებასთან დაკავშირებული საკითხები. აგვისტო უფრო მეტ დროს დაუთმობთ საკუთარ მიზნებში გარკვევას. შეეცადეთ საკითხები პრიორიტეტების მიხედვით გადაწყვიტოთ. ეს კარგია დროა დასვენებისთვის და ძალების აღდგენისთვის. სექტემბერში მოსალოდნელია სამსახურებრივი ცვლილებები მოხდეს, ყურადღება მიაქციეთ თანამოაზრეებიდან წამოსულ შემოთავაზებებს. ოქტომბერი სიახლეების მომტანი იქნება და ეს თქვენთვის სასიკეთო აღმოჩნდება, განსაკუთრებით თუ ხელოვნებაში მოღვაწეობთ. ნოემბრის პირველ ნახევარში ყურადღება გამოიჩინეთ საბუთების და შეთანხმებების კუთხით, მოერიდეთ დაპირისპირებებს. ნოემბრის ბოლო და დეკემბერი სასიკეთო იქნება საქმიანი შეხვედრებისთვის, სამსახურებრივი ცვლილებებისთვის, კვალიფიკაციის ამაღლებისთვის და გავლენიან ადამიანებთან შეხვედრისთვის.

კირჩხიბი
2016 წლის იანვარში და თებერვლის პირველ ნახევარში მოგიწევთ გაანალიზოთ საკუთარი მიზნები და განავითაროთ საქმიანი კავშირები. თებერვლის ბოლოდან მარტის ჩათვლით თქვენი იდეები მხარდაჭერას მოიპოვებენ. მოსალოდნელია სამსახურებრივი პრობლემები თქვენდა სასიკეთოდ გადაწყდეს. მეტ ყურადღებას ითხოვს აპრილის დასაწყისი, მაისის მესამე დეკადა და ივნისის დასაწყისი, ამ პერიოდებში კონფლიქტების ალბათობა მოიმატებს. აპრილში მოსალოდნელია დაუბრუნდეთ მოუგვარებელ საკითხებს, ამასთანავე, ახალ ასპარეზზე თავის დამკვიდრებისთვის ბრძოლა მოგიწევთ. როგორც მაისის, ისე ივნისის მეორე დეკადა პოზიტიური იქნება, მოსალოდნელია განმუხტოთ დაძაბული სიტუაციები, გაიჩინოთ ახალი მოკავშირეები, თანამოაზრეები და პარტნიორები. ივლისში და აგვისტოში მოიმატებს პირად ცხოვრებაში ცვლილებების განხორციელების ალბათობა. ამასთანავე, მოიმატებს თქვენი კომუნიკაბელურობა და გამჭრიახობა, ეს საშუალებას მოგცემთ საერთო ენა გამონახოთ ოპონენტებთან და შეძლოთ საკუთარი ჩანაფიქრების განხორციელება. თუმცა აგვისტოში მოგიწევთ საკუთარ ჯანმრთელობაზე ზრუნვაც. სექტემბერში საქმიანი ცხოვრება არც თუ დინამიკურად განვითარდება, თუმცა პირად ცხოვრებაში იოლად შეძლებთ თქვენი პოზიციების გამყარებას. წარმატებას მიაღწევთ საქმიან პარტნიორებთან ურთიერთობებშიც.  ოქტომბრი პირველ-მეორე დეკადაში სასიკეთო  იქნება იურიდიული საკითხების მოგვარება, გაწყვეტილი ურთიერთობების აღდგენა და მიღწეული პოზიციების გამყარება. ოქტომბრის ბოლოს და ნოემბერში მოიმატებს თქვენი სექსუალურობა და შემოქმედებითობა, რაც გაზრდის წარმატების მიღწევის ალბათობას. დეკემბრის მეორე ნახევრიდან მოერიდეთ რისკზე წასვლას. მოკლევადიანი პროექტები მშვიდად დაასრულეთ ან დაასტაბილურეთ მაინც.

ლომი

იანვარში  და თებერვლის პირველ ნახევარში მოგიწევთ წინა წელს შექმნილი პრობლემების მოგვარება. ამ დროს შესაძლოა სპონსორების მოძიებაც კი შეძლოთ. მარტის მეორე ნახევარი წარსულის ანალიზისთვის, მომავლის დაგეგმისთვის და საქმიანი კავშირების გამტკიცებისთვის. აპრილის დასაწყისიდან უფრო ინიციტივიანი გახდებით. თუმცა შეეცადეთ სწორად გადაანაწილოთ ფიზიკური ძალები და ფინანსური რესურსები. აპრილის მესამე დეკადაში და ივნისის პირველი დეკადაში მოერიდეთ კონკურენტებთან დაპირისპირებას და სარისკო ფინანსურ ოპერაციებს, გაუფრთხილდით საკუთარ ჯანმრთელობასაც. აი, მაისი თქვენთვის ცუდი ნამდვილად არ იქნება, ამ დროს მოიმატებს კარიერული წინსვლის ალბათობა. ივნისის მეორე ნახევარში მოიმატებს თქვენი ავტორიტეტულობა, შარმი და მიმზიდველობა, რაც მეტ პოზიტივს შემოიტანს თქვენს პირად და საქმიან ცხოვრებაში. ივლისის პირველი ნახევარი დაშვებული შეცდომების გამოსწორებისთვის და დასვენებისთვის იქნება სასიკეთო. ივლისის ბოლოდან  სექტემბრის მეორე დეკადამდე საქმიანი პერიოდი იქნება. ამ დროს მოიმატებს თქვენი მიზანსწრაფვა და მოსალოდნელია ფინანსურ სამყაროში, ბიზნესში და კარიერაში მნიშვნელოვანი წინსვლა გქონდეთ. მოიმატებს თქვენი პოპულარობა და გავლენა. წარმატებას მიაღწევთ ბიზნესში და კომერციულ გარიგებებში. სექტემბრიდან ბოლოდან შედარებით დისჰარმონიული პერიოდი დაიწყება და შეეცადეთ არ იყოთ ჯიუტი და კონფლიქტური, ეს დაგეხმარებათ თავიდან აირიდოთ სამსახურებრივი პრობლემები, დაპირისპირება ოჯახის წევრებთან და ფინანსური დანაკარგები. ეს განსაკუთრებით საგრძნობი იქნება ოქტომბრის ბოლოს, ნოემბერში და დეკემბრის დასაწყისში. დეკემბრის მეორე ნახევრიდან სიტუაცია უკეთესობისკენ შეიცვლება და მოსალოდნელია ბევრი მიმართულებით თქვენთვის სასიკეთო მდგომარეობის დაკავება შეძლოთ.

ქალწული

პირველი კვარტალი 2016 წლის საუკეთესო პერიოდი იქნება, ამიტომ ის აქტიურად დაიწყეთ. იანვარ-თებერვალში თქვენ მხრიდან საჭირო იქნება ახლებური მიდგომები, რომ წარმატებებს მიაღწიოთ. სასიკეთო იქნება სწავლის გაგრძელება და ინტელექტუალური საქმიანობა. მარტში იღბლიანობა შედარებით დაიკლებს, თუმცა ორგანიზებულობის, შრომისმოყვარეობის და ასევე პარტნიორების დახმარების ხარჯზე შეძლებთ წარმატების მიღწევას. აპრილში ნუ მოადუნებთ ყურადღებას და ნუ შეწყვეტთ ბრძოლას, წინააღმდეგ შემთხვევაში ბევრ პერსპექტივას ხელიდან გაუშვებთ. შეეცადეთ ენერგია სწორად გადაანაწილოთ და არ გადაიღალოთ, განსაკუთრებით ემოციურ სისტემას გაუფრთხილდით. მაისის პირველი ნახევარში და შემდეგ უკვე ივნისის მეორე ნახევარში მოვლენები სასიკეთოდ განვითარდება, წარმატებას მიაღწევთ უცხოელებთან ურთიერთობებთან დაკავშირებით, მოიმატებს მოგზაურობის ალბათობა. ივლისი და აგვისტოს პირველი ნახევარი პოზიტიური იქნება კონსულტაციების და რჩევების მიღებისთვის, ასევე დასვენებისთვის და ემოციური განტვირთვისთვის. აგვისტოს მეორე ნახევარი და სექტემბრის დასაწყისი კარმული იქნება, ამიტომ მიუხედავად ენერგიის მოზღვავებისა, მოგიწევთ ძველი შეცდომების გამოსწორება. სექტემბერში გაგიჩნდებათ შესაძლებლობები შეცვალოთ არა მხოლოდ საქმიანი, არამედ პირადი ცხოვრება. მოიმატებს სასიყვარულო ურთიერთობების დაწყების ალბათობაც. ოქტომბერი ნაკლებად დაძაბული იქნება, მოერიდეთ ადამიანების გაკრიტიკებას და მაპროვოცირებელ სიტუაციებს. ნოემბერ-დეკემბერში შეძლებთ ფინანსური მდგომარეობის გაუმჯობესებას, იოლად მოაგვარებთ სასიყვარულო და ბავშვებთან დაკავშირებულ საკითხებს, ვალების გასტუმრებასა და გაცემული დაპირებების შესრულება.

სასწორი

იანვარსა და თებერვალში დაგეგმეთ მომავალი, დასახეთ მიზნები, გაბედულად დაიწყეთ ინიციატივის გამოვლენა და აქტიური მოქმედებები. ამ დროს მოიმატებს არა მხოლოდ საქმიანი კავშირების გამყარების, არამედ ქორწინების ალბათობაც. მარტში გააქტიურება სამსახურებრივი და ფინანსური საკითხები, თუმცა პარალელურად ყურადღების მიღმა არ დაგრჩეთ ჯანმრთელობაც. იზრუნეთ ორგანიზმის გაჯანსაღებაზე. ყურადღება მიაქციეთ იურიდიულ საკითხებსაც. აპრილი შედარებით რთული იქნება, ნუ გადაიღლებით და ნუ წახვალთ რისკზე, მაქსიმალურად მოერიდეთ აგრესიის და კონფლიქტურობის გამოვლენას. მაისის ბოლოდან საერთო მდგომარეობა გაუმჯობესდება, მოიმატებს თქვენი ენერგიულობა, მოგიწევთ გადადებული საქმეების დასრულება. კიდევ უფრო სასიკეთო იქნება ივნისი და ივლისის პირველი ნახევარი, ამ დროს გახდებით კრეატიული, გამჭრიახი და გაგიჩნდებათ კარიერაში წინსვლის შესაძლებლობა. აგვისტოს მეორე ნახევრიდან ყურადღება გამოიჩინეთ - ნუ დაუპირისპირებდებით გარშემომყოფებს და ნუ შელახავთ საკუთარ რეპუტაციას. სექტემბერში მოერიდეთ ეგოცენტრიზმის გამოვლენას და გარშემომყოფების მიმართ მეტი სითბო გამოავლინეთ. ეს საშუალებას მოგცემთ დაასტაბილუროთ პრობლემატური ურთიერთობები. ოქტომბრიდან მოახერხებთ გააწონასწოროთ თქვენი ფსიქოემოციური მდგომარეობა და დაასტაბილუროთ ფინანსური შემოსავლები. ნოემბრის მეორე ნახევრიდან იგრძნობთ ენერგიის მოზღვავებას, ეს კი საშუალებას მოგცემთ დეკემბერში თქვენდა სასიკეთოდ გადაწყვიტოთ უძრავ ქონებასთან დაკავშირებული საკითხები და დაიწყოთ ახალი გეგმების განხორციელება.

მორიელი

იანვარსა და თებერვალში მოგიწევთ ძველი პრობლემების მოგვარება, თუმცა ეს ხელს არ შეგიშლით, რომ გააფართოოთ თქვენი საქმიანი წრე, დაიწყოთ ახალი ბიზნეს-პროექტები ან სასიკეთო ცვლილებები განახორციელოთ სამსახურთან მიმართებაში. მარტში გააქტიურდება ახალი პერსპექტივები, თავს თავდაჯერებულად იგრძნოთ და გაგიჩნდებათ წინსვლის რეალური შანსი, თუმცა მნიშვნელოვანი გადაწყვეტილებები გამოცდილ ადამიანებთან შეათანხმეთ. აპრილში მოიმატებს თქვენი თავდაჯერებულობა, მოგიწევთ დამატებითი პასუხისმგებლობის აღება და ბევრი საქმის ერთდროულად კეთება, ამაში პარტნიორებიც დაგეხმარებიან. თუ მაისის პირველ ნახევარში საქმიან ცხოვრებაში წარმატებულად იმოქმედებთ, მაშინ ეს მოსალოდნელია განმეორდეს ივნისის ბოლოსა და ივლისის დასაწყისშიც. მაისის მეორე ნახევარში გაუფრთხილდით ჯანმრთელობას. ივნისის პირველი ნახევარში მოიმატებს მოგზაურობის ალბათობა. ივლისის მეორე ნახევარი და აგვისტო არც თუ სასიკეთო იქნება, ამიტომ ყურადღებით მართეთ ფინანსები და გაასაიდუმლოეთ საქმიანი ინფორმაცია. სექტემბერში პრობლემების მოგვარებას მხოლოდ გაბედული და პრაქტიკული მოქმედებების ხარჯზე შეძლებთ. ოქტომბერში გააქტიურდებით, თუმცა სასიკეთო პერსპექტივების პარალელურად მოიმატებს ხიფათის ალბათობაც, ამიტომ ყურადღებით იყავით. ბევრად პოზიტიური იქნება ნოემბერი-დეკემბერი, შეძლებთ ძველი ვალების გასტუმრებას და ახალი, საინტერესო პროექტების დაწყებას. ამ პერიოდში საჭიროების შემთხვევაში დახმარებისთვის ახლობელ ადამიანებს მიმართეთ.

მშვილდოსანი

2016 წლის პირველ კვარტალში სასიკეთო იქნება იანვრის მესამე დეკადა, თებერვალი და მარტის ბოლო, ამიტომ იანვარ-თებერვალში უნდა შეძლოთ რთულ საკითხებზე კონტროლი დაამყაროთ და დაიწყოთ მათი მართვა. ამ დროს თქვენი ძალისხმევა ყველაზე მნიშვნელოვანი მიზნის განხორციელებისკენ მიმართეთ. ეს ყველაფერი მარტის პირველ ნახევარში თქვენს საერთო მდგომარეობას სასიკეთოდ შეცვლის. აპრილის პირველი ნახევარი პოზიტიური იქნება, თუმცა ნუ გარისკავთ, რადგან მეორე ნახევრიდან დაიკლებს თქვენი იღბლიანობა და შესაძლოა ამას ახლობელი ადამიანების მხრიდან გულისტკენაც კი მოჰყვეს. ეს გაგრძელდება მაისშიც. ამიტომ ამ პერიოდში მოერიდეთ რადიკალურ ცვლილებებს. ივნისში პოზიტიური  პირველი დეკადა იქნება, ამიტომ რთული საკითხების მოგვარებისთვის ეს პერიოდი გამოიყენეთ. სიტუაცია ივლისის მეორე ნახევრიდან შეიცვლება და აგვისტოს ბოლომდე დადებითი პერსპექტივები განვითარდება, ეს ეხება საქმიან სფეროს, სამსახურს, ბიზნესს და ფინანსურ საკითხებს. აგვისტოს ბოლო და სექტემბრის პირველი ნახევარი დასვენებისა და ჯანმრთელობის გამყარებისთვის გამოიყენეთ. მოერიდეთ ხელმძღვანელობასთან დაპირისპირებებს. სექტემბრის ბოლოდან ნოემბრის დასაწყისამდე ეტაპობრივად მოიმატებს თქვენი თავდაჯერებულობა, ამ დროს მოსალოდნელია საინტერესო ადამიანების გაცნობა და საქმიანი შეხვედრები. ნოემბრის პირველი ნახევარში ყურადღება თქვენს ჯანმრთელობას მიაქციეთ, ასევე გადახედეთ საკუთარ გეგმებს და საჭიროების შემთხვევაში ცვლილებებიც განახორციელეთ. ნოემბრის მესამე დეკადა და დეკემბერი აქტიური და წარმატებული იქნება და ბევრი მიმართულებით სიტუაციის გაუმჯობესებას შეძლებთ.

თხის რქა
იანვრიდან მარტის დასაწყისამდე შეძლებთ საკუთარი პრობლემების გააზრებას და  პარტნიორების დახმარებით მათ გადაჭრას. ეს კარგი დრო იქნება ასევე სამსახურებრივი ცვლილებებისთვის, კარიერული ზრდისათვის და რელიგიურ-ფსიქოლოგიურ-ეზოთერული ძიებებისთვისაც კი. მარტის მესამე დეკადა და აპრილის პირველი ნახევარი ყურადღებით გაიარეთ, რათა არ წარმოიშვას პრობლემები ნათესავებთან და მეგობრებთან. ამ დროს საჭირო იქნება ორგანიზებული შრომაა, რათა წარმატების მიღწევა შეძლოთ. სასიკეთო იქნება აპრილის ბოლო და მაისი, შეძლებთ წარმატებას მიაღწიოთ სასიყვარულო სფეროში,  ასევე ბავშვებთან და უცხოეთთან დაკავშირებით. ივნისის პირველი ნახევარში ყურადღება გამოიჩინეთ საკუთარი ჯანმრთელობის მიმართ. შედარებით პოზიტიური იქნება ივნისის ბოლოდან აგვისტოს ბოლომდე - ამ დროს თქვენი ენერგეტიკა დაბალანსდება და შეძლებთ^დაშვებული შეცდომების გამოსწორებას. შეეცადეთ, ეს პერიოდი საქმიანი წინსვლისთვის და მნიშვნელოვანი საკითხების მოგვარებისთვის გამოიყენოთ. აგვისტოს ბოლო და სექტემბრის პირველი ნახევარი სასიკეთო იქნება დასვენებისთვის და ემოციური განტვირთვისთვის. სექტემბრის მეორე ნახევრიდან ოქტომბრის ბოლომდე დალაგდება პარტნიორული ურთიერთობები და საქმიანი კავშირები. ამ დროს მოგიწევთ მნიშვნელოვანი გადაწყვეტილებების მიღება, როგორც საქმიან, ისე პირად ცხოვრებაში. გაგიჩნდებათ იმის შესაძლებლობა, რომ წერტილი დაუსვათ იმ ურთიერთობებსა თუ პროექტებს, რომლებშიც ეჭვი გეპარებათ. ნოემბრის მესამე დეკადა და დეკემბრის დასაწყისი უფრო მერყევი იქნება, წინაღობებს ორგანიზებულობისა და შეუპოვრობის ხარჯზე გადალახავთ. წლის ბოლოს მოიმატებს თქვენი მიზანსწრაფვა და შეძლებთ რთული სიტუაციების თქვენდა სასიკეთოდ შემოტრიალებას.

მერწყული
2016 წლის დასაწყისშივე შესაძლოა გაგიჩნდეთ მომგებიანი ურთიერთობების დაწყების შესაძლებლობა, თუმცა ხელშეკრულების გაფორმება თებერვალში გადაიტანეთ. სწორედ ამ დროს მოიმატებს თქვენი ენერგიულობა და გაძლიერდება თქვენი ინტუიცია, რაც დაგეხმარებათ სწორი გადაწყვეტილების მიღებაში. თებერვლის ბოლოს და მარტში მოიმატებს თქვენი კომუნიკაბელურობა და თავდაჯერებულობა, ეს საშუალებას მოგცემთ განახორციელოთ საჭირო ცვლილებები. აპრილის მეორე ნახევარში და მაისში გახდებით პრინციპული, თუმცა ნუ იქნებით ჯიუტი და რადიკალური. ახლობლებთან დიპლომატიური იყავით და მათ მიმართ მეტი სიყვარული გაეცით. ივნისში შეძლებთ წარმატებას მიაღწიოთ მოლაპარაკებებთან და შეთანხმებებთან დაკავშირებით. მოიმატებს საინტერესო შეხვედრების და პერსპექტიული პროექტების დაწყების ალბათობა. თუმცა ამ დროს ყურადღება მიაქციეთ ჯანმრთელობასაც. ივლისის მეორე ნახევრიდან აგვისტოს ჩათვლით უფრო ოპტიმისტი გახდებით და მიუხედავად პერიოდული წინაღობებისა, შეძლებთ  პროფესიული უნარების განვითარებას და ახალი ცოდნის შეძენას. ეს პერიოდი მოიტანს სასიკეთო ცვლილებებს უცხოეთთან და უმაღლეს განათლებასთან დაკავშირებით. აგვისტოდან ბოლოდან მოიმატებს თქვენი თავდაჯერებულობა, შარმი და მომხიბვლელობა, ეს დაგეხმარებათ როგორც საქმიან, ისე სასიყვარულო სფეროში წარმატების მიღწევაში. სექტემბრის ბოლოს და ოქტომბერში მოსალოდნელია გაიცნოთ საინტერესო ადამიანები და ჩაერთოთ ახალ პროექტებში. ნოემბერში სამსახურებრივი ცვლილებები ფრთხილად განახორციელეთ, დეკემბერში კი სასიკეთო მეორე დეკადა იქნება, ამიტომ სადავო და იურიდიული საკითხები ამ დროს გადაწყვიტეთ.

თევზები
იანვარში გაანალიზეთ ძველი პრობლემები. ეს დაგეხმარებათ არა მხოლოდ გადადებული საქმეები მოაგვაროთ, არამედ ახალი პროექტებიც განსხვავებულად დაიწყოთ. თებერვალში ნუ ენდობით უცნობ ადამიანებს, გაუფრთხილდით საკუთარ ჯანმრთელობასა და ფინანსებს. მარტის ბოლო და აპრილის პირველი ნახევარი სასიკეთო იქნება და შეძლებთ სამსახურში წინსვლას. ეს პერიოდი გამოიყენეთ განვითარების ახალ ეტაპზე გადასვლისთვის და ახალი პროექტების დაწყებისთვის. აპრილის მეორე ნახევარში მოგიწევთ გარკვეული არჩევანის გაკეთება და შეეცადეთ ეს გამოცდილ ადამიანებთან ერთად გააკეთოთ. წინააღმდეგ შემთხვევაში თქვენი არასწორი არჩევანის ნეგატიურ შედეგებს უკვე მაისშივე მოიმკით. მაისის ბოლო და ივნისი შედარებით სასიკეთო დასვენებისთვის იქნება, ყოველ შემთხვევაში ნუ გადაიღლებით და მოერიდეთ ბევრ ხალხს. ივლისის პირველ ნახევარში პრაგმატულად გადახედეთ თქვენს გეგმებს და აქცენტი რეალურ მიზნებზე გააკეთეთ. ივლისის ბოლოს და აგვისტშო დაგჭირდებათ ოჯახის წევრების, პარტნიორებისა და მეგობრების დახმარება. ასეთ შემთხვევაში თქვენს საერთო მდგომარეობას ბევრად უკეთესობისკენ შეცვლით. აგვისტოს ბოლო და სექტემბერში მოიმატებს ფლირტის, სასიყვარულო ურთიერთობების დაწყებისა და ქორწინების ალბათობა. ოქტომბერში პოზიტიური იქნება ხელოვნებასთან დაკავშირებული პროექტების დაწყება. ნოემბრის ბოლო და დეკემბრის დასაწყისი  დადებითი იქნება ცხოვრებაში რეფორმების გატარებისთვის. დეკემბრის მეორე ნახევარი წინდახედულად გაიარეთ, თავს თავდაჯერებულად იგრძნობთ, მაგრამ მაინც მოერიდეთ მსხვილ ფინანსურ დანახარჯებს, უფრო მეტად ვალების გასტუმრებაზე იფიქრეთ.